Kopano le Lereko ba ne ba ja dikuku tse mmaabona a di bakileng.Dikuku tseo di ne di elela ka mamepe.

Lereko a botsa mmaabona, “Mamepe a tswa kae?”“Ngwanaka, dinotshe di dira mamepe,” mme a rialo.

“Dinotshe di dira mamepe go tswa ditšheseng. Di kgobokanya matute a a kgomarelang le modula go tswa ditšhešeng,” mme a tlhalosa.“Dinotshe di phatlalatsa modula mo ditšhešeng tse dingwe.”

“Se se bidiwa modulafatso – go thusa dijalo go ata ka go phatlalatsa modula. Modula o dira karolo ya peo.”

“Dinotshe di tsamaisa modula mo dijalong. Di dulafatsa dimela tsa rona,” mme a rialo.“Gape dinotshe di dira didirswa tse di mosola.”

“Ke a itse! Re iponela mamepe mo dinotsheng,” Kopano a rialo.“Tatso ya mamepe e botshe e bile e monate!” Lereko a tlatsa.

“Mamepe gape a dirisiwa mo melemong,” mme a rialo.‘Dipilisi tse dingwe le lerojana la melemo tsa setso di dirilwe ka mamepe.”

“Mamepe a fodisa memetso e e botlhoko, go gotlhola le mekgotlhwane.”

“Mamepe a thusa go fodisa dintho le phiso.”

“Fela mamepe ga a siamela masea. A ka ba lwatsa thata,” mme a tsibosa.

“Jaanong, a lo ntse lo reeditse? Goreng mamepe a le botlhokwa?” mme a botsa.“Di dulafatsa dijalo!” Lereko a rialo.“Di dira mamepe!” ga bua Kopano.

Go tloga ka nako eo, Kopano le Lereko ba simolola go tlotla dinotshe.