UKopano banoLereko bebadla amakuke abawabhagelwe ngunina.Amakuke lawo bekancinca iliju.

ULereko wabuza unina wathi, “Iliju libuya kuphi?”“Mntwanami, iinyosi zenza iliju,” kutjho unina.

“Iinyosi zenza iliju elibuya emathuthumbeni. Zibuthelela amanzana wamathuthumbo, inektha enamathelako esakghomu nepova,” kuhlathulula unina.Iinyosi zirhatjha ipova ziyise kwamanye amathuthumbo.”

“Lokho kubizwa ngokuthiwa kuzalanisa kwepholeni – ukusiza iintjalo ukukhiqiza ngobutjha ngokurhatjha ipova.Ipova ibumba ingcenye yembewu.”

“Iinyosi zikhambisa ipova hlangana neentjalo. Zizalanisa iintjalo zethu,” kutjho unina.“Okhunye godu bathola imikhiqizo emihle eenyosini.”

“Sengiyazi! Sithola iliju eenyosini,” kutjho uKopano.ULereko ungezelele wathi, “Iliju lizwakala linetjhukela begodu limnandi!”

“Iliju lisetjenziselwa ukwenza imitjhoga,” kutjho unina.“Amanye amapilisi neempuyere ezenza imitjhoga yesintu nazo kumikhiqizo yeliju.”

“Iliju lipholisa imiphimbo ukukhohlela nemigomani.”

“Iliju lisiza nangokupholisa amanceba wokulimala namanceba wokutjha.”

“Iliju alikabalungeli abantwana abancani. Lingabenza bagule khulu,” kuyelelisa umma.

“Asizweni njenganje, ukobana benilalele? Kubayini iinyosi ziqakathekile?” kubuza unina.“Zizalanisa iintjalo!” kutjho uLereko.“Begodu zenza iliju!” kutjho uKopano.

Ukusukela mhlokho, uKopano banoLereko bathoma ukuhlonipha iinyosi.