Xikochimani o buba nga matsheloni a ḽeneḽo ḓuvha.Ndi muṅwe wa vhathu vha u thoma u swika vhuimabisi na renngeni ya thekhisi.Ndi lwendo lwa u thoma lwa Xikochimani e eṱhe.

O vha a tshi khou ya u dalela Makhulu wawe Vho Galela ḓoroboni.Hu saathu fhela tshifhinga tshilapfu, a pfa munna a tshi khou vhidza madzina a fhethu hune Xikochimani a hu ḓivha.“Namelani, bisi i khou takuwa!” munna a tshi amba.

Bisi yo vha i tshi khou ḓala. Xikochimani o ima o lindela hu tshi vhidzwa nomboro ya thikhithi yawe.Ho vha hu na mutukana we a vha o ima muṋangoni wa bisi.Xikochimani o vha a tshi khou fhela mbilu.

Xikochimani o wana tshidulo tsini na fasiṱere, tsini na vhavhingani Rhulani na Madzivandlela.Ho vha hu tshi khou fhisa nga maanḓa bisini.

Vharengisi vho dzhena bisini vha tshi tou tevhekana, vha tshi khou vhanga phosho khulu!Vho vha vha tshi khou rengisa zwinwiwa zwi rotholelaho, miomva, maḽegere, ṋama na zwiṅwe zwimuṋemuṋe.

Madzivandlela a bvisa tshelede kha bodi yawe a renga mutshelo kha munna we a vha a tshi khou setshelela.A vhea bugu fhasi, a thoma u shenga a tshi khou ḓiphina ngawo.

Mureili wa bisi a dzhena. A lumelisa vhaṋameli. A ri, “Kha vha vhofholowe vha ḓiphine nga lwendo.”Mzamani a dovholola zwoṱhe zwo ambiwaho nga mureili.

Lwendo lwa u ya ḓoroboni lwo vha lu lulapfu.Xikochimani o takadzwa nga u vhona fhethu ho fhambafhambanaho musi bisi i tshi khou enda.

Ho vha hu tshi kha ḓi fhisa nga maanḓa musi ḓuvha ḽi tshi vho kovhela. Vhaṋameli vho vha vho shisha mabiko vha tshi khou kumedza.Rhulani o nambatela bege yawe musi a tshi khou eḓela.

Hu si kale Xikochimani, Rhulani, na Madzivandlela vho vha vho eḓela.Madzivandlela o vha a tshi khou hona nga maanḓa.Vho vha vho eḓela musi bisi i tshi khou enda vhusiku hoṱhe.

Xikochimani u pfa muthu a tshi khou mu dzinginyisa shaḓa. A mboḓi karuwa.Munna o imaho murahu ha Xikochimani a vhudzisa, “Hetshi ndi tshiṱitshi tsha u fhedza, ni khou ya ngafhi?”

Xikochimani a tsa bisini.Ho vha hu si na muthu ane a mu ḓivha.A ḓivhudza a ri, “Nṋe ndi Xikochimani wa Rhulani wa Galela wa Xihimu. Ndi ḓo swika muḓini wa makhulu wanga.”