Luhambo lwaXikochimani
Hlekane Paulinah Baloyi
Brian Wambi
Siswati
First paragraphs
Xikochimani wavuka ekuseni kakhulu ngalelolanga.
-
Waba ngumuntfu wekucala esikhumulweni semabhasi kanye nesematekisi.
-
Lolu bekuluhambo lwekucala lwaXikochimani ayedvwa.
1
Bekaya kamkhulu wakhe, Galela, losedolobheni. Kusenjalo, indvodza yabita emagama etindzawo Xikochimani latatiko.
-
“Wota, ibhasi seyiyahamba!” kusho indvodza.
2
Ibhasi cishe bese igcwele. Xikochimani wema alindze kutsi kubitwe inombolo yelithikithi lakhe.
-
Bekunemfana lovimbe emnyango webhasi.
-
Xikochimani wativa aphelelwa kubeketela.
3
Xikochimani wahlala wabuka ngasefasitelweni, eceleni kwaRhulani kanye nemkakhe Madzivandlela.
-
Bekushisa ngendlela lecakile ebhasini.
4
Bositolosiyandzindza bebangena ngekulandzelana ebhasini, umsindvo wabo uvala tindlebe!
-
Bebatsengisa bonamanedi, bobhanana, emaswidi, inyama, kanye nalokunye kudla lokulula.
5
Madzivandlela wakhipha imali esifubeni sakhe kute atsenge titselo endvodzeni lenebuso lobumoyitelako.
-
Wabeka phansi incwadzi yakhe wase ucala kudla nekutijabulela.
6
Kwangena ebhasini umshayeli webhasi. Wabingelela bagibeli. “Khululekani nijabulele luhambo lwenu,” asho kubo bonkhe bagibeli.
-
Xikochimani waphindza onkhe emavi emshayeli!
7
Indlela leya edolobheni beyiyindze futsi inemajika.
-
Xikochimani bekajabulela kubuka kuntjintja kwekubonakala kwendzawo njengobe ibhasi ihamba.
8
Bekuseloku kushisa kakhulu ebhasini ngesikhatsi lilanga liyoshona. Bagibeli bebajulukile futsi betela.
-
Rhulani bekankonkoshele sikhwama sakhe njengobe bekasalala.
9
Kungekudzala boXikochimani, Rhulani, kanye naMadzivandlela bonkhe bese balele.
-
Madzivandlela wahona kakhulu.
-
Balala hhu butfongo njengobe ibhasi beyihamba busuku bonkhe.
10
Kwaba nesandla labesinyakatisa kancane lihlombe laXikochimani. Ekugcineni wavuka.
-
“Lesi siteshi sekugcina, kantsi uya kuphi?” kubuta indvodza lengemuva kwaXikochimani.
11
Xikochimani wehla ebhasini.
-
Kute buso labetayele labubona.
-
Wakhuluma yedvwana, “Mine nginguXikochimani waseRhulani eGalela eXihimu. Ngiya ekhaya lamkhulu wami.”
12
Attribution CC BY
Your attribution should include the following:
Title: Luhambo lwaXikochimani
Author/s: Hlekane Paulinah Baloyi
Translator/s: Mduduzi Benjie Shongwe
Illustrator/s: Brian Wambi
Assurer/s: Simangele Khoza
Language: Siswati

© Zenex Foundation - Saide 2024

CC BY includes the following elements:
 BY   – Credit must be given to the creator