Xikochimani o ne a phakela thata mo mosong oo.E ne e le motho wa ntlha kwa boemelabeseng le kwa renkeng ya dithekisi.E ne e le leeto la ntlha Xikochimani a le tsaya a le esi.

O ne a ya kwa go ntatemogolo wa gagwe, Galela kwa toropong.Ka bonako, monna a bitsa maina a mafelo ao Xikochimani a a tlwaetseng.“Tlayang, bese e a tsamaya!” ga bitsa monna.

Bese e ne e setse tletse. Xikochimani a emela gore palo ya thekete ya gagwe e bidiwe.Mosimane o ne a thibile matseno a bese.Xikochimani a fela pelo.

Madulo a ga Xikochimani mo beseng a ne a le fa letlhabaphefong, go bapa le baratani Rhulani le Madzivandlela.Go ne go le bolelo thata mo beseng.

Barekisi ba ne ba tla ka go latelana mo beseng, modumo wa bona o ne o thiba ditsebe.Ba ne ba rekisa dinotsididi, dipanana, dimonamone, dinama, le diseneke dingwe.

Madzavandlela a ntsha madinyana mo sehubeng sa gagwe, mme a reka leungo mo monneng wa sefatlhego se se edileng.O ne a baya buka ya gagwe fa fatshe mme a simolola go le natha, le mo natefela.

Mokgweetsi wa bese o ne a tsena mo beseng. O ne a dumedisa bapalami. “Repang le itumeleleng leeto,” a goeletsa mongwe le mongwe.Mzamani a boeletsa lefoko lengwe le lengwe le mokgweetsi a le buileng!

Tsela ya go ya kwa toropong e ne e le telele e nyokanyokela.Xikochimani o ne a kgatlhiwa ke go bona lefelo le ntse le fetoga fa bese e ntse e tsamaya.

Go ne go sa ntse go le mogote mo beseng fa letsatsi le wela. Batsayaleeto ba ne ba fufuletswe ba otsela.Rhulani o ne a tshwere kgetsana ya gagwe thata fa a tshwarwa ke boroko.

Xikochimani, Rhulani le MadzIvandlela ba ne ba thulamela botlhe ka bonako.Madzivandlela o ne a gonela kwa godimo.Ba ne ba thulametse tota fa bese e tsamaya mo bosigong.

Seatla se ne sa tshikinya legetla la ga Xikochimani ka bonolo. A ba a kgona go tsoga.“Ke seteišene sa bofelo se, o ya kwa kae?” ga botsa monna yo o fa morago ga Xikochimani.

Xikochimani a fologa bese.A se ke a bona difatlhego tse a di tlwaetseng.O ne a ipolelela a re, “Nna ke Xikochimani wa ga Rhulani wa Galela wa Xihimu. Ke tla goroga kwa legaeng la ga ntatemogolo.”