Xikochimane o tsogile mesong letšatšing leo.E bile yo mongwe wa batho ba mathomo ba go fihla boemelong bja dipese le dithekisi.E be e le la mathomo Xikochimane a tšea leeto a nnoši.

O be a eya toropong go rakgolo wa gagwe, Galela. Ka bjako, monna a bitša maina a mafelo ao Xikochimane a bego a a tseba.“Etlang, pese e a tloga!” a ba bitša.

Pese e be e šetše e tlala. Xikochimane o be a emetše gore nomoro ya gagwe ya thikete e bitšwe.Mošemane yo mongwe o be a thibile mojako wa pese.Xikochimane o be a fela pelo.

Setulo sa Xikochimane se be se le lefastereng, kgauswi le baratani e lego, Rhulani le Madzivandlela.Go be go fiša kudu ka peseng.

Barekiši ba be ba tsena ka peseng ka go šalana morago, lešata la bona le thiba ditsebe.Ba be ba rekiša dinotšididi, dipanana, malekere, nama, le tše dingwe.

Madzivandlela o ile a ntšha tšhelete dikgareng tša gagwe a reka seenywa sa monna wa sefahlego sa go ela.O ile a bea puku seropeng gomme a thoma go ipshina ka sona.

Mootledi a namela pese. A dumediša banamedi.“Iketleng gomme le ipshine ka leeto,” a goeletša batho ka moka.Mzamani a boeletša mantšu ka moka a mootledi.

Tsela ya go ya toropong e be e le ye telele ya go dikologa.Xikochimane a thabišwa ke go bona bobotse bja naga ge pese e sepela.

Go be go sa fiša kudu ka peseng ge letšatši le dikela. Banamedi ba be ba ela dikudumela ebile ba swerwe ke boroko.Rhulani o ile a swarelela mokotla wa gagwe ge a swarwa ke boroko.

Xikochimane, Rhulani le Madzivandlela ba ile ba swarwa ke boroko.Madzivandlela o be a gona kudu.Ba ile ba robala boroko ge pese e sepela bošego ka moka.

Letsogo le ile la šikinya legetla la Xikochimane gabonolo. Mafelelong a tsoga.“Bjo ke boemapese bja mafelelo, wena o ya kae?” gwa botšiša monna yo a lego ka morago ga Xikochimane.

Xikochimane o ile a fologa pese.Ga a bone difahlego tšeo a di tsebago.O ile a ipotša go re, “Ke nna Xikochimane wa Rhulani wa Galela wa Xihimu. Ke tla fihla legaeng la rakgolo wa ka.”