Simangaliso u dzula kha ḽiṅwe shango, seli ha Mulambo wa Limpopo.Vhathu vha tenda uri Simangaliso u na maanḓa a u ita maḓembe.Vhathu vhoṱhe vha ḓoroboni yanga vha amba ngae.

Simangaliso u na ipfi ḽavhuḓi ḽi ḓifhelelaho.U dzula ḓakani hune a imbela zwiṋoni na zwipuka.U imba ḓuvha ḽiṅwe na ḽiṅwe musi ḽi tshi kovhela. Vhathu vha bvaho kule vha ḓa u pfa ipfi ḽawe ḽavhuḓi.

Simangaliso u na mavhudzi malapfulapfu a sa athu vhonwa nga muthu. U kona u shandukisa mavhudzi awe nga hune a funa. A nga a ngalangaladza na u ita uri a vhonaleMusi a tshi imba, mavhudzi awe a vala tshifhaṱuwo tshawe.

Simangaliso u monamona na ḓaka ḽoṱhe ḓuvha na ḓuvha.U a pfa na u fembedza khombo.U dovha a vhona arali muthu a tshi ḓa khae e na mihumbulo mivhi.

Ḽiṅwe ḓuvha Simangaliso o dzhia phetho ya u ṱoḓa u vhona nḓila ine vhutshilo ha vha ngayo seli ha mulambo muhulwane.A humbula u fara lwendo.Musi a tshi swika mulamboni muhulwane, a ḓivhudzisa, “Ndi ḓo u wela hani?”

Simangaliso a ima nyana a humbula, a ṱavha mukosi a ri, “Maanḓa! Maanḓa!”Nga u ṱavhanya ha bvelela boroho.A wela seli ha mulambo, a bvela phanḓa na lwendo. A ya kule na ḓaka ḽine a ḽi ḓivha.

Simangaliso o pfa o neta, a ri, “Ndi ṱoḓa fhethu hune nda nga awela hone.”A ṱavha mukosi, “Maanḓa! Maanḓa!”Nga u ṱavhanya ha mela hatsi ha mu tanga. Simangaliso a dzula fhasi hatsini vhu rotholelaho.

Simangaliso a pfa e na nḓala. “Ndi kule na ḓaka. Ndi ḓo wana hani zwiḽiwa?” a tshi ḓivhudzisa.A muṋa meme dzawe dza mulomo a ṱavha mukosi,“Maanḓa! Maanḓa!”Nga u ṱavhanya ha bvelela khali dzi si na tshithu, dziphuḽeithu na dzibigiri.

Zwiḽiwa zwine zwa funeswa nga Simangaliso zwa ḓadza khali dzi si na tshithu, dziphuḽeithi, na dzibigiri.A ḽa na u nwa u swika a tshi fushea.Nga u ṱavhanya, a pfa mubvumo.

Simangaliso a zwi pfa uri ndo no swika ndi sa athu sendela na tsini nae.A vhidzelela, “Ndi nnyi?”Nda fhindula nga ipfi ḽiṱuku, “Ndi nṋe. Dzina ḽanga ndi pfi Buumi.”Simangaliso o zwi ḓivha uri ndo ḓa nga zwivhuya.

Nda amba u ri, “Ndo xela.”Simangaliso a nthamba, “Kha ḓe ri ḽe na u nwa.” Nda ḽa na u nwa u swika ndi tshi fushea.Nda vhudza Simangaliso nḓila ye nda xela ngayo musi ndo sala mukomana wanga murahu.

Simangaliso a mmbudza nga ha lwendo lwawe lwa u ṱoḓa u vhona nḓila ine vhutshilo ha vha ngayo seli ha mulambo.Nga murahu, a setshelela a ṱavha mukosi, “Maanḓa! Maanḓa!”Ndi yone nḓila ye nda swika ngayo muṋangoni wa nnḓu ya vhabebi vhanga.