Nageng ye nngwe ka mošola wa noka ya Limpopo, go dula Simangaliso.Go dumelwa go re Simangaliso o na le maatla a mantši a go ikgetha.Batho ka moka toropong ya gešo ba bolela ka yena.

Simangaliso o na le lentšu le lebosana la go fola. O dula lešokeng mo a opelelago diphoofolo le dinonyana.O opela ge e le mathapama. Batho ba go tšwa kgole le kgauswi ba tla go theeletša lentšu la gagwe le le bosana.

Simangaliso o na le moriri wo motelele ka mo go makatšago. O kgona go fetola moriri wa gagwe ge a rata. O kgona go o dira gore o timelele le go o buša.Ka mehla ge a opela, moriri o khupetša sefahlego sa gagwe.

Simangaliso o sepela sepela ka lešokeng tšatši le lengwe le le lengwe.O kgona go kwa le go dupelela kotsi ge e etla.O kgona go tseba ge motho a etla go yena ka maanomabe.

Ka letšatši le lengwe, Simangaliso a tšea sephetho sa go yo hlola gore bophelo bo bjang ka mošola wa noka.A tšea leeto.Ge a fihla nokeng ye kgolo a ipotšiša a re: “Ke tlo tshela bjang?”

Simangaliso a nagana sebakanyana gomme a goeletša a re, “Maatla! Maatla!”Gateetee, gwa tšwelela leporogo.A re go tshelela ka mošola wa noka a tšwela pele ka leeto la gagwe. A sepelela kgole le sethokgwa se a se tsebago.

Simangaliso a kwa a lapile gomme a nagana, “Ke nyaka lefelo la go khutša.”A goeletša a re, “Maatla! Maatla!”Gateetee, bjang bja tšwelela go mo dikologa. A dula fase bjanyeng bjo bo botse bja go fola.

Simangaliso a kwa a swerwe ke tlala. A ipotšiša a re: “Ke tla hwetša bjang dijo? Ke kgole le sethokgwa.”A itatswa melomo a goeletša a re, “Maatla! Maatla!”Gateetee, gwa tšwelela dipitša di se na selo, dibjana le dikomiki.

Dijo tša Simangaliso tša mmamoratwa tša wela ka dipitšeng, dibjaneng le dikomiking.O ile a ja a ba a nwa go fihlela a khora.Gateetee, a kwa modumo.

Simangaliso o kgonne go kwa gore ke a batamela pele ke fihla kgauswi le yena.A bitša a re, “Ke mang moo?”Ka araba ka lentšwana le lesesane ka re, “Ke nna Buumi.”Simangaliso a tseba gore maikemišetšo a ka ke a mabotse.

Ka lentšu le lesesane ka re, “Ke timetše.”Simangaliso a ntaletša a re, “Etla o je, o nwe le nna!” Ke ile ka ja ka ba ka nwa go fihlela ke khora.Ke ile ka botša Simangaliso go re ke timetše bjang ge ke be ke latela buti wa ka.

Simangaliso o ile a mpotša ka leeto la gagwe la go nyaka go bona gore bophelo ka mošola wa noka bo bjang.Ke moka a myemyela, a goeletša a re, “Maatla! Maatla!”Ke ka fao ke ilego ka fihla mojakong wa ntlo ya batswadi ba ka.