Mmantsae Moche Diale le maatla a letsatsi
Thembekile Malibe
Omphemetse Patient Ramatlhatse
Setswana
First paragraphs

——


Buka e, e ka ga Mmantsae Moche Diale, Mmasasense wa Aforika Borwa.
-
Mmantsae ke Mmasaense yo o ithutang ka maatla a letsatsi, le ditsela tse batho ba ka dirisang maatla ao.
1
“Baithuti, ke batla go lo bolelela ka ga Mmasaense wa MoAforika Borwa yo o botlhokwa,” ga rialo morutabana Mpilo.
-
“O simolotse botshelo kwa motsaneng wa kwa Limpopo mme a nna Mmasaense yo o kwa godimo.”
-
Morutabana a tlatsa, Bonetetsi ke karolo ya Bonetetsi ba Saense, e leng kitso le maatla.”
2
Morutabana a tswelela, “Mogaka wa rona wa Saense gompieno ke Mmantsae Moche Diale.”
-
“O tsaletswe kwa motsaneng wa Ga-Masemola kwa Limpopo. O tsene sekolo kwa Sekobetlane Maphutha.”
-
“Motsana wa gaabo o ne o se na motlakase, le fa e le gore go ne go na le dipale tse dikgolo tsa motlakase.”
3
“O ne a kgatlhwa ke tsa maatla le gore re a bona jang fa a gola. O ne a itse gore mongwe le mongwe o ne a tlhoka maatla.”
-
Morutabana a emisa ka kgang ya gagwe, mme a botsa, “A lo ka mpolelela metswedi mengwe e e dirang maatla a motlakase?”
4
“Malatlha ke sediriswa sa botlhokwa. Re fisa malatlha go dira motlakase,” Nhlavu a rialo.
-
‘Ee, fela lefatshe la rona le felelwa ke malatlha le didiriswa tse dingwe tsa maatla tse di sa ntšhwafaleng,” morutabana a araba.
-
“Letsatsi le phefo ke didiriswa tse di ntšhwafalang,” Sphe a tlatsa, morutabana a dumela.
5
Morutabana a tswelela, “Mmantsae o ne a itse gore o ne a batla gore botlhe ba nne le maatla a a tlhotlhwatlase a le phepa, ka didiriswa tse di ntšhwafalang.”
-
“O ithutetse Dipalo le Disaense tsa Tlhago kwa sekolong, a rata Bonetetsi. A itse gore o batla go ithutela Bonetetsi kwa yunibesithing,” morutabana a rialo.
6
“Batho ba botsa Mmantsae, ‘O tlile go dira eng ka Bonetetsi? A o ka bona tiro?’ Ba mo nyemisa mooko.
-
“O ne a ithutela dithuto tsa Saense le tsa Thuto, go nna morutabana wa Saense. Gape o ne a kgatlhwa ke go ithutela maatla a a ntšhwafalang,” morutabana a rialo.
7
“Morutabana, Mmantsae o ne a kgatlhilwe ke bomang ka nako eo?” Sphe a botsa.
-
“Go ne go le basadi ba le mmalwa fela ba badiri ba Bonetetsi, ba bantsho ba ne ba balwa,” morutabana a araba. “Mmantsae o ne a dira fela le borasaense ba banna. O ne a sena ba a ba itseng ba Aforika Borwa ka nako eo.”
8
“Morago ga dingwaga tse dintsi tsa go ithuta, Mmantsae a nna Moporofesara wa Saense. Jaanong o a ruta le go batlisisa kwa Yunibesithing,” morutabana Mpilo a rialo.
-
“Ke mongwe wa baša ba basadi ba bantsho ba ikgantshang ka ena ba ba ratang Saense, segolo jang Bonetetsi.”
9
“Morutabana a tlhalosa, “Dipatlisiso tsa gagwe ke ka ga go tshwara maatla a letsatsi a mantsi, le go a boloka.”
-
“Maatla a a bolokilweng a ka dirisiwa go tlamela metsemagae ka motlakase.”
-
“Maatla a letsatsi ke maatla a a tlhotlhwatlase a a ntšhwafadiwang.”
10
“Go buiwa ka eng fa go twe didiriswa tsa maatla tse di ‘ntšhwafadiwang le go sa ntšhwafadiwe’?” Morutabana a botsa.
-
“Maatla a a ntšhwafadiwang ke maatla a a sa feleng, jaaka letsatsi,” Ntando a rialo.
-
“Maatla a a sa ntšhwafadiweng a a fela, jaaka malatlha, ga a ntšhwafadiwe,” Vusiwe a rialo.
11
Thuto e a fela.
-
Morutabana a feleletsa, “Mmantsae o eteletse pele setlhopha sa babatlisisi ba dithuto tsa ‘maatla a a sa leswefatseng tikologo – maatla a a ntšhwafadiwang.”
-
“Maikemisetso a dipatlisiso ke go bona ‘disele tsa sola tse di ka tsayang maatla a mantsi kwa letsatsing, le go a fa batho.”
12
Fa baithuti ba phutha, Morutabana Mpilo a re, “Moporofesara Diale o eletsa go bona basadi ba le bantsi ba ithutela Bonetetsi. Ke solofela bontsi jwa basetsana fa ba tla ithutela Saense le Dipalo!”
-
“Le basimane tota!” Morutabana a nyenya.
13

——Dipotso


  1. Goreng Mmantsae a ne a na le kgatlhegelo ya maatla fa a le monnye?
  2. ‘Maatla a letsatsi’ ke eng? A ka dirisetswa eng?
  3. Moporofesara Diale ke mofuta ofe wa Bosaense? Dipatlisiso tsa gagwe ke ka ga eng?
  4. O itemogetse mathata afe fa a sala ditoro tsa gagwe morago?
14

——Dibuka tse di mo motseletseleng o


  • Andile Mji
  • Asnath Mahapa
  • Bongani Mayosi
  • Charlotte Maxeke
  • Mmantsane Moche Diale
  • Mulalo Doyoyo
  • Tebello Nyokong
  • Tshilidzi Marwala
15

——


Kanelo e, e tlhamilwe le go kwalwa ka puo ya siSwati jaaka karolo ya porojeke ya didiriswa tsa go buisa ya Zenex Ulwazi Lethu ya 2020.
16
Attribution CC BY
Your attribution should include the following:
Title: Mmantsae Moche Diale le maatla a letsatsi
Author/s: Thembekile Malibe
Translator/s: Lorato Trok
Illustrator/s: Omphemetse Patient Ramatlhatse
Assurer/s: Dineo Moatshe, Opelo Thole
Language: Setswana

© Zenex Foundation - Saide 2024

CC BY includes the following elements:
 BY   – Credit must be given to the creator