UMmantsae Moche Diale kanye namandla welanga
Thembekile Malibe
Omphemetse Patient Ramatlhatse
isiNdebele
Longer paragraphs

——


Incwadi le ikhuluma ngoMmantsae Moche Diale, uSosayensi weSewula Afrika.
-
UMmantsae unguSosayensi ofunda ngamandla abuya elangeni, neendlela zokobana abantu basebenzise amandla la wegezi.
1
“Bafundi, ngifuna ukunitjela ngomunye waboSosayensi oqakathekileko weSewula Afrika,” kutjho utitjhere uMpilo.
-
“Umuntu lo wathoma ipilo ethresteni elincani eLimpopo ngemuva kwalokho waba nguSosayensi ophezulu.”
-
Utitjhere waragela phambili wathi,” iFiziksi imhlobo we-Physical Science, okulilwazi elimayelana ne-eneji.
2
Utitjhere waragela phambili godu, “Ikutani yethu yeSayensi nguMmantsae Moche Diale.”
-
“Wabelethelwa endaweni yemakhaya Ga-Masemola eLimpopo. Wafunda isikolo eSekobetlane Maphutha.”
-
“Kwabe kunamapala amakhulu wegezi ebekafakwe ethresteni loke lapha bekahlala khona. Kodwana ithreste ebekahlala kilo labe linganayo igezi.”
3
“Asesemntwana wabe anekareko yokwazi iindaba zegezi nokobana siwathola njani amandla wegezi. Bekazi bona woke umuntu kufanele abe negezi eyaneleko ukobana ahlangabezane neendingo zakhe.”
-
Utitjhere wakhokha ummoya, wabuza, “Ningangitjela bona ngimiphi eminye imithombo yamandla wegezi?”
4
“Amalahle amthombo oqakatheke khulu. Sibasa amalahle ukobana senze igezi,” kutjho uNhlavu.
-
“Iye khona kodwana iphasi lethu alisenawo amalahle neminye imithombo yamandla wegezi engakghoniko ukuvuselelwa yenziwe ngobutjha,” kuphendula utitjhere.
-
“Ilanga nomoya mithombo engavuselelwa yenziwe ngobutjha,” kungezelela uSphe, utitjhere uvuma ngehloko.
5
Utitjhere waragela phambili nendatjana, “Nakasesemncani uMmantsae bekazi bona ufuna ukuthola indlela ukobana woke umuntu athole igezi engabizi khulu ebuya emithonjeni evuselelwako yenziwe ngobutjha.
-
“Wafunda iMathemathiksi neSayensi yeMvelo esikolweni begodu bekathanda neFiziksi. Bekazi bona ufuna ukufundela ukuba nguSosayensi eyunivesithi,” kutjho utitjhere.
6
“Abantu babuza uMmantsae, ‘Ucabanga bona uzokwenza ini ngeFiziksi? Ungawuthola umsebenzi?’ Bamqeda amandla.”
-
“Wafundela iziqu zeSayensi nezeFundo, ukobana abe ngutitjhere weSayensi. Bekanekareko godu yokufundela ngemithombo yegezi engavuselelwa ngobutjha,” kutjho utitjhere.
7
“Akhese utjho titjhere uMmantsae wayeqale bani njengekutani yakhe ngaleso sikhathi?” kubuza uSphe.
-
“Bekunabomma abambalwa khulu abasebenza kuFiziksi, begodu kunabomma abayimbijana khulu kilomkhakha weSayensi,” kuphendula utitjhere.
-
“UMmantsae bekasebenza nabososayensi abamadoda kwaphela. Bebangekho abomma abamaSewula Afrika ebekangaqala kibo ngaleso sikhathi.”
8
“Ngemuva kweminyaka eminengi afunda, uMmantsaee waba nguPhrofesa wezeSayensi. Njenganje sewuyafundisa begodu umrhubhululi eyunivesithi,” kutjho utitjhere uMpilo atjela itlasi.
-
“Uyikutani yabo boke abomma abanzima kuSayensi, khulukhulu kuFiziksi.”
-
“Wenza irhubhululo eliqakathekileko,” kutjho utitjhere.
9
Utitjhere uyahlathulula, “Irhubhululo lakhe limayelana nokuthola iindlela zokubamba amandla wegezi elangeni ngobunengi bawo, begodu nokubeka amandla lawo wegezi.”
-
“Amandla wegezi abekiweko angasetjenziselwa ukupha abantu igezi eendaweni zemakhaya.”
-
“Amandla wegezi wesola akabizi khulu begodu amamandla akghona ukuvuselelwa enziwe ngobutjha.
10
Utitjhere wabuza wathi, “Ningangitjela bona sitjho ukuthini nasikhuluma ngamandla wegezi avuselelwa ngobutjha nalawo angeze avuselelwe ngobutjha?”
-
“Amandla wegezi avuselelwa ngobutjha mamandla lawo angeze abuye asebenziseke, njengelanga,” kutjho uNtando.
-
“Amandla wegezi angavuselelekiko ayaphela, njengamalahle, angavuselelwako,” kutjho uVusiwe.
11
Isifundo siyaphela.
-
Utitjhere uyaphetha, “uMmantsae udosa phambili isiqhema sabarhubhululi esirhubhulula ngamandla wegezi ehlwengileko i-eneji ehlaza satjani’-okumamandla wegezi evuselelwako.”
-
“Umnqopho werhubhululo kukhiqiza amaseli wesola angathatha amandla wegezi enengi elangeni, bese iwase ebantwini.”
12
Lokha itlasi nalibuthako, uTitjhere uMpilo uthi, “Isifiso sakaPhrofesa Diale kubona abomma abanengi bafunda iFiziksi. Ngiyathemba inengi labantazana abalapha bazakufunda iSayensi neeMbalo!
-
“Begodu nabesana nabo!” kutjho utitjhere amomotheka.
13

——Imibuzo


  1. Khuyini eyabangela uMmantsae ebuncanini bakhe abe nekareko yamandla wegezi?
  2. Ayini amandla wegezi ‘i-eneji yesola’? Singawasebenzisela ini amandla wegezi wesola?
  3. Umhlobo muphi kaSosayensi uPhrofesa Diale? Likhuluma ngani irhubhululo lakhe?
  4. Ngibuphi ubudisi uMmantsae ahlangabezana nabo ebhudangweni lakhe?
14

——Iincwadi eziselungelungeni leli


  • U-Andile Mji
  • U-Asnath Mahapa
  • UBongani Mayosi
  • UCharlotte Maxeke
  • UMmantsane Moche Diale
  • UMulalo Doyoyo
  • UTebello Nyokong
  • UTshilidzi Marwala
15

——


Indatjana le yatlhanywa begodu yatlolwa ngelimi lesiSwati, njengengcenye yephrojekthi yeZenex Ulwazi Lwethu ye-2020 yeencwadi ezingafundwa.
16
Attribution CC BY
Your attribution should include the following:
Title: UMmantsae Moche Diale kanye namandla welanga
Author/s: Thembekile Malibe
Translator/s: Sponono Mahlangu
Illustrator/s: Omphemetse Patient Ramatlhatse
Assurer/s: William Jiyana
Language: isiNdebele

© Zenex Foundation - Saide 2024

CC BY includes the following elements:
 BY   – Credit must be given to the creator