Lihle na Lwandle vha guda nga luṱavula
Sara Mohale
Busisiwe Ndlovu
Tshivenḓa
First paragraphs
Lihle na Lwandle vho dalela bulasi ḽa makhulu ngei Vhembe.
-
Vho dala lwa u tou thoma.
-
Vho vuswa nga phosho i songo ḓoweleaho fasiṱereni!
1
Vha lumelisa, “Ndi matsheloni Makhulu, ndi phosho ya mini?”
-
“Ndi matsheloni! Ndi mukukulume, u ri vusa uri ri ite mishumo ya bulasini,” Makhulu vha sea.
2
Makhulu vha ri, “Ḓuvha a ḽi athu ṱavha, fhedzi ḽo tsha. Nga luṱavula ḓuvha ḽi lenga u ṱavha, ḽa ṱavhanya u kovhela.”
3
Makhulu vha bvela phanḓa, “Nga luṱavula, mutsho wo fhola. Fhedzi ho dudela u fhirisa vhuriha.”
-
Lwandle a tenda, “A ri athu ṱoḓa zwiambaro zwa vhuriha.”
4
Makhulu vha ri, “Nga luṱavula, ni ḓo vhona vhunzhi ha zwimela zwi tshi shandula muvhala, zwa thoma u oma. Ri tsini na u fhedza u kaṋa.”
5
Makhulu vha ṱalutshedza, “Kha heyi bulasi nga luṱavula ri kaṋa ṋawa, khavhishi, khoḽifuḽawa, na tshipinitshi.”
-
Vha engedza, “Nga madekwana ri ḓo ḽa miroho ya bulasini.”
6
Lihle a ri, “Nṱhani ha u dzulela u renga miroho, ri ḓo ṱavha miṅwe hayani ngei ḓoroboni.
-
Makhulu vha fulufhedzisa, “Khezwo! Ndi ḓo ni gudisa.”
7
Lwandle a vhudzisa, “Makhulu, vha a ṱavha mitshelo? Mutshelo une nda u funesa ndi habu!”
-
Makhulu vha sea, “Ro kaṋa mahabu manzhimanzhi a ḓifhaho!”
8
“Nga luṱavula, zwifuwo zwo dzwalwaho kana u thothonya nga tshimedzi zwo no aluwa, zwiṅwe ri a zwi rengisa.
-
Zwifuwo zwashu zwi ri ṋea mafhi, makumba, na ṋama,” ndi Makhulu.
9
Makhulu vha setshelela, “Nga matsheloni ri ḓo ḽa makumba, ra kona u yo shuma tsimuni ya miroho.”
-
Lihle na Lwandle vho takalela u shuma tsimuni na Makhulu!
10

——Mbudziso


  1. Nga luṱavula, hu itea mini kha:
  2. zwimela?
  3. mutsho?
  4. u ṱavha na u kovhela ha ḓuvha?
  5. zwifuwo?
  6. Hu itea mini bulasini ya Makhulu nga yeneyi khalaṅwaha?
  7. Luṱavula lwa hune na dzula hone lwo fhambana hani na lwa tshiṱorini? Ṱalutshedzani.
  8. Ndi vhutsila vhufhio vhune vhasidzana vha nga vhu guda kha Makhulu?
11
Attribution CC BY
Your attribution should include the following:
Title: Lihle na Lwandle vha guda nga luṱavula
Author/s: Sara Mohale
Translator/s: Doris Manyamalala
Illustrator/s: Busisiwe Ndlovu
Assurer/s: Tshedza Tlhako
Language: Tshivenḓa

© Zenex Foundation - Saide 2024

CC BY includes the following elements:
 BY   – Credit must be given to the creator