Lihle naLwandle ekwindla
Sara Mohale
Busisiwe Ndlovu
Siswati
First paragraphs
Lihle naLwandle bavakashele gogo wabo losepulazini laseVhembe.
-
Bayacala kumvakashela.
-
Bavuswa ngumsindvo labangawati ngaphandle kwelifasitelo labo!
1
“Sawubona Gogo,” kubingelela emantfombatane. “Wani lomsindvo?”
-
“Sanibonani! Lona ngumsindvo welichudze, liyasivusa kute sente imisebenti yasepulazini,” kuhleka Gogo.
2
“Kusesemnyama ngaphandle, kepha sikhatsi sesihambile kunaloko lenikubonako. Ekwindla, lilanga alisheshi kuphuma kepha liyashesha kushona kunasehlobo,” kusho Gogo.
3
Gogo uyachubeka, “Ekwindla, kuyaphola. Kepha kufutfumele kunasebusika.”
-
“Asitidzingi timphahla tetfu tasebusika kwanyalo,” kuvuma Lwandle.
4
“Ekwindla, utawubona titjalo tiba nembala lowehlukile bese ticala tiyoma. Sesiyacedza kuvuna tilimo tetfu,” kusho Gogo.
5
“Ekwindla, lapha epulazini sivuna emabhontjisi, emakhabishi, ikholifulawa kanye nesipinashi,” kuchaza Gogo.
-
Uyengeta, “Lamuhla ekudleni kwakusihlwa, sitawudla netibhidvo letimnandzi letilinywe lapha epulazini.”
6
“Kunekuhlale sitsenga tibhidvo, natsi singakujabulela kutitjala ekhaya kitsi lelisedolobheni,” kusho Lihle.
-
“Yintfo lenhle leyo! Ngitonifundzisa,” kwetsembisa Gogo.
7
Lwandle uyabuta, “Gogo, uyatitjala yini titselo? Mine ngitsandza luhwabha!”
-
Gogo uyahleka, “Sisandza kuvuna sivuno lesikhulu semahwabha letimnandzi!”
8
“Ekwindla, timfuyo letitalwe nobe letichamisele entfwasahlobo tisuke setikhulile, bese sitsengisa letinye tato.
-
Timfuyo tetfu tisiniketa lubisi, emacandza kanye nenyama,” kusho Gogo ngekutigcabha.
9
“Ekuseni sitakudla emacandza lamnandzi, ngemuva kwaloko sitawusebenta engadzeni,” kumoyitela Gogo.
-
Lihle naLwandle bajabule kakhulu kutsi batawusebenta naGogo engadzeni!
10

——Imibuto


  1. Ekwindla, nguluphi luntjintjo lolwenteka:
    • etitjalweni?
    • emazingeni ekushisa?
    • ekuphumeni nasekushoneni kwelilanga?
    • etilwaneni?
  2. Yini leyentekako epulazini laGogo kulesikhatsi semnyaka?
  3. Ikwindla lokukhulunywa ngayo kule ndzaba iyafana yini nobe yehlukile kuleyo lebakhona endzaweni lohlala kuyo? Chaza.
  4. Ungatikhulisa njani tibhidvo edolobheni lakini?
  5. Ucabanga kutsi Gogo udla kudla lokunemphilo yini?
11
Attribution CC BY
Your attribution should include the following:
Title: Lihle naLwandle ekwindla
Author/s: Sara Mohale
Translator/s: Simangele Khoza
Illustrator/s: Busisiwe Ndlovu
Assurer/s: Mduduzi Benjie Shongwe
Language: Siswati

© Zenex Foundation - Saide 2025

CC BY includes the following elements:
 BY   – Credit must be given to the creator