ULihle noLwandle eKwindla
Sara Mohale
Busisiwe Ndlovu
isiXhosa
First paragraphs
ULihle noLwandle batyelele kwifama kaMakhulu wabo eVhembe.
-
Olu lutyelelo lwabo lokuqala.
-
Bavuka besiva isandi abangasiqhelanga zingaphandle kwefestile!
1
Ezi ntombi ziyabulisa zithi, “Molo Makhulu. Yingxolo yantoni le?”
-
UMakhulu uyahleka uthi, “Molweni! Ngumqhagi lowo, uyasivusa ukuze senze imisebenzi yasefama.”
2
UMakhulu uthi, “Kusemnyama phandle, kodwa ixesha lihambile. EKwindla ilanga iphuma kade lize litshone msinyane kunasehlotyeni.”
3
UMakhulu uyaqhubeka esithi, “EKwindla kuyaqalisa ukubanda kodwa akubandi njengasebusika.”
-
ULwandle uyavuma esithi, “Asikazidingi izinxibo zethu zasebusika.”
4
UMakhulu uthi, “EKwindla niza kubona izityalo ezininzi zitshintsha umbala zize ziqalise ukoma. Sesiza kugqiba ukuvuna.”
5
“EKwindla kule fama sivuna iimbotyi, ikhaphetshu, ikholiflawa nespinatshi,” uyacacisa uMakhulu.
-
Uphinda athi, “Ebusuku isidlo sethu sangokuhlwa sizakuba nemifuno ekhiwe apha kule fama.”
6
ULihle uthi, “Endaweni yokusoloko sithenga imifuno, nathi sifuna ukuyityala aapha efama, hayi edolophini.”
-
“Licebo elihle elo! Ndiza kunifundisa,” utsho ethembisa uMakhulu.
7
ULwandle ubuza esithi, “Makhulu, uyazityala iziqhamo? Esona ndisithandayo yivatala!”
-
UMakhulu uyahleka esithi, “Sigqiba kuvuna iivatala ezininzi ezinencasa!”
8
“EKwindla, izilwanyana ezizelwe okanye eziqanduselwe entwasahlobo sezikhulile, kwaye ezinye siyazithengisa.
-
Kwizilwanyana zethu sifumana ubisi, amaqanda nenyama,” utsho ngebhongo uMakhulu.
9
UMakhulu uyancuma aze athi, “Siza kutya amaqanda ekuseni size sisebenze kwigadi yemifuno.”
-
ULihle noLwandle bayakuvuyela ukusebenza egadini noMakhulu!
10

——Imibuzo


  1. EKwindla, loluphi utshintsho olwenzekayo:
    • kwizityalo?
    • kumaqondo obushushu?
    • ekuphumeni nasekutshoneni kwelanga?
    • kwizilwanyana?
  2. Kwenzeka ntoni kwifama kaMakhulu ngeli xesha lonyaka?
  3. Kwindawo ohlala kuyo, ixesha lasekwindla liyafana okanye lahlukile kweli likweli bali? Cacisa.
  4. Ungayilima njani imifuno kwikhaya elisedolophini?
  5. Ucinga ukuba uMakhulu utya ukutya okunempilo?

11
Attribution CC BY
Your attribution should include the following:
Title: ULihle noLwandle eKwindla
Author/s: Sara Mohale
Translator/s: Sinazo Mgobozi, Bukeka Mahlangabeza
Illustrator/s: Busisiwe Ndlovu
Assurer/s: Angelinah Dazela
Language: isiXhosa

© Zenex Foundation - Saide 2025

CC BY includes the following elements:
 BY   – Credit must be given to the creator