ULihle noLwandle ngesiruthwana
Sara Mohale
Busisiwe Ndlovu
isiNdebele
First paragraphs
ULihle noLwandle bavakatjhela eplasini likagogwakhe eliseVhembe.
-
Leli livakatjho labo lokuthoma.
-
Bathi nabavukako bezwa amatjhada abangakawajayeli ngaphandle kwefesidere.
1
“Lotjhani gogo,” kulotjhisa abantazanyana. “Ngelani itjhadelo?”
-
“Lotjhani! Loyo mkukurumbu, uyasivusa bona senze umsebenzi weplasini,” kuhleka ugogo.
2
“Kusese mnyama ngaphandle, kodwana kulada kunangendlela eniqabanga ngayo. Ngesikhathi sesiruthwana, ilanga liphuma lada begodu litjhinga msinya sekunehlobo,” kutjho ugogo.
3
Ugogo uyaraga, “Ngesikhathi sesiruthwana, ubujamo bezulu buyaphola. Kodwana kusafuthumele kunebusika.”
-
“Asizitlhogi izambatho zebusika nje,” kuvuma uLwandle.
4
“Ngesikhathi sesiruthwana, uzokubona iintjalo ezinengi zitjhuguluka umbala begodu zithoma ukoma. Asikaqedi ukuvuna iintjalo zethu,” kutjho ugogo.
5
“Ngesikhathi sesiruthwana kileli iplasi, sivuna amabhontjisi, ikhabitjhi, ikholiflawa, kanye nesipinatjhi,” kuhlathulula ugogo.
-
Uyangezelela, “Namhlanje ebusuku, esidlweni santambana sizokudla imirorho efretjhi evela eplasinapha.”
6
“Kunokuthi sihlale sithenga imirorho njalo, singathanda ukutjala eminye ekhaya edrobheni,” kutjho uLihle.
-
“Mbono omuhle loyo! Ngizanifundisa,” kuthembisa ugogo.
7
ULwandle uyabuza “Gogo, uyazitjala iinthelo? Ikhabe sithelo engisithandako!”
-
UGogo uyahleka, “Sisandukuvuna isivuno esikhulu samakhabe asudu!”
8
“Ngesikhathi sesiruthwana, ifuyo ezelwe namkha ephandluselwe etwasahlobo sele ikhulile, begodu sithengisa enye yayo.
-
Ifuyo yethu isipha ibisi, amaqanda nenyama,” kutjho ugogo ngokuzikhakhazisa.
9
“Siba namaqanda afretjhi wesidlo sekuseni, bese siyokusebenza esivandeni semirorho,” kumomotheka uGogo.
-
ULihle noLwandle bathabile ngokuyokusebenza noGogo esivandeni!
10

——Imibuzo


  1. Ngesikhathi sesiruthwana ngimaphi amatjhuguluko enzekako:
  2. eentjalweni?
  3. emazingeni wokutjhisa?
  4. ekuphumeni nekutjhingeni kwelanga?
  5. Efuyweni?
  6. Kwenzakalani eplasini kaGogo kilesi isikhathi somnyaka?
  7. Ingabe isikhathi sesiruthwana esisendatjaneni siyafana namkha sihlukile nalesi isikhathi lapho uhlala khona? Hlathulula.
  8. Ngiwaphi amakghonofundwa abantazanyana abangawafunda kuGogo?
11
Attribution CC BY
Your attribution should include the following:
Title: ULihle noLwandle ngesiruthwana
Author/s: Sara Mohale
Translator/s: Vusi Mahlangu
Illustrator/s: Busisiwe Ndlovu
Assurer/s: Sponono Mahlangu
Language: isiNdebele

© Zenex Foundation - Saide 2024

CC BY includes the following elements:
 BY   – Credit must be given to the creator