Lihle naLwandle ebusika
Ndivhuho Mutsila
Vusi Malindi
Siswati
First paragraphs
Lihle naLwandle bahamba ngebhasi bayovakashela malume wabo eLesotho.
-
Lolu luhambo lwabo lwekucala lwekuya eveni lelincane lelisetintsabeni letiphakeme.
1
Letidzandzane betibuka indzawo letitungeletile njengobe tisebhasini.
-
“Kugcwele sitfwatfwa yonkhe indzawo!” kumangala Lwandle.
-
“Kusengatsi yingubo lemhlophe lembonye yonkhe indzawo,” kuvuma Lihle.
2
“Ngiyajabula ngobe kufutfumele lapha ngekhatsi ebhasini!” kuphawula Lwandle.
-
“Yebo, kumakhata kakhulu ngaphandle. Emazinga ekushisa alendzawo ehla kakhulu ebusika,” kusho Lihle.
3
“Emazinga ekushisa alapha eLesotho aphasi kakhulu kunewasekhaya eLimpopo,” kuchubeka Lihle.
-
“Ha, ngetsemba kutsi ngipakishe timphahla letifutfumele letenele,” kusho Lwandle.
4
Ibhasi yefika futsi emantfombatane abingelela malume wawo. Malume ugcoke lijazi lelikhulu, sikhafu kanye nesigcoko.
-
“Yooo!” kuchachatela Lwandle njengobe baphumela ngaphandle kwebhasi.
5
Emajezi lagcokwe ngemantfombatane alula kakhulu kulamakhata alendzawo.
-
Malume uphatsele bashana bakhe tingubo letifutfumele.
-
“Siyanemukela ebusika!” uyababingelela.
6
“Caphelani kutsi nihamba kuphi, kunesitfwatfwa lapha phasi futsi kuyashelela,” uyabecwayisa.
-
Bendlula licembu lelincane letimvu letibutsene ndzawonye kute titigcine tifutfumele.
7
Ngephansi kwalesitfwatfwa, kunetjani lobomile.
-
Buncane tjani lobungadliwa tilwane.
-
Titjalo letinyenti tiyayekela kukhula nobe tiyafa ebusika.
8
Emantfombatane ahlala eceleni kwemlilo endlini yamalume wawo.
-
Ubaniketa umsombo loshisako wenyama yenkomo nemazambane.
-
“Nangu umsombo lesitsi yi-lekhotloane utanifutfumeta,” kusho Malume.
9
“Ebusika, lilanga alisheshi liphume, kepha kuyashesha kuhwalala. Sitawuhlala endlini sikhatsi lesidze,” kusho Malume.
-
“Site sikulungele, saphatsa tincwadzi netintfo tekudlala!” emantfombatane asho kanye kanye.
10

——Imibuto


  1. Bakuphi boLihle naLwandle? Tfola lendzawo ebalaveni.
  2. Ngusiphi sikhatsi semnyaka lesi?
  3. Tfola emagama langu-3 lachaza lesikhatsi semnyaka.
  4. Bhala timphahla tasebusika letingu-4.
  5. Busika baseLesotho buyafana yini nebusika basendzaweni lohlala kuyo? Chaza.
  6. Ngubuphi busika lobutsandza kakhulu? Leni?
11
Attribution CC BY
Your attribution should include the following:
Title: Lihle naLwandle ebusika
Author/s: Ndivhuho Mutsila
Translator/s: Simangele Khoza
Illustrator/s: Vusi Malindi
Assurer/s: Mduduzi Benjie Shongwe
Language: Siswati

© Zenex Foundation - Saide 2024

CC BY includes the following elements:
 BY   – Credit must be given to the creator