Lihle le Lwandle ba ithuta ka Mariha
Ndivhuho Mutsila
Vusi Malindi
Sesotho (South Africa)
First paragraphs
Lihle le Lwandle ba palame bese ho tjhakela maloma bona Lesotho.
-
Ke leeto la bona la pele naheng e nyenyane e dithabeng.
1
Banana ba ithuta ka tikoloho ya bona ba sa le beseng.
-
“Ho lehlwa hohle,” ho kgotsa Lwandle.
-
“Ekare kobo e tshweu e kwahetseng tsohle,” ke Lihle a dumela.
2
“Ke thabile bese e futhumetse ka hare!” ho kgotsa Lwandle.
-
“Ee, ho a bata kantle. Mariha tempereitjha e ba ka tlasa kgwamo,” ho rialo Lihle.
3
“Mariha ditempereitjha Lesotho di bata ho feta hae Limpopo,” Lihle o tswela pele.
-
“Brrr, ke tshepa hore ke pakile diaparo tse lekaneng tse mofuthu,” ho rialo Lwandle.
4
Bese ya fihla mme banana ba phahamisetsa maloma bona matsoho. O apere jase e kgolo, sekhafo le katiba.
-
“Ee-ee!” Lwandle a thothomela ha a tswela kantle.
5
Dijeresi tsa banana di bobebe haholo bakeng sa tempereitjha ya mona.
-
Malome o tletse batjhana dikobo tse ntle tse mofuthu.
-
“Le amoheleile Mariheng!” ke malome a dumedisa.
6
“Hlokomelang moo le hatang, ho leqhwa ebile ho a thella,” o a ba hlokomedisa.
-
Ba feta sehlopha sa dinku tse boyahadi di bokane hore di futhumale.
7
Ka tlasa lehlwa jwang bo omme ebile bo sootho.
-
Jwang bo a fokola hore diphoofolo di kgone ho fula.
-
Dijalo tse ngata di kgaotsa ho hola kapa di a shwa Mariha.
8
Banana ba ora mollo ka motlotlwaneng wa malome.
-
O ba fa nama le ditapole tse tjhesang. “Lekgotlwane lena le tla le futhumetsa,” a rialo.
9
“Mariha, letsatsi le dieha ho tjhaba empa le dikela ka pele. Nakong e ngata re dula ka tlung,” ho rialo malome.
-
“Re ikemiseditse ho bala dibuka le ho bapala,” banana ba buela hong.
10

——Dipotso


  1. Lihle le Lwandle ba hokae? Fumana sebaka seo mmapeng
  2. Ke sehla se fe selemong?
  3. Fana ka mantswe a mararo a hlalosang sehla sena.
  4. Mariha a Lesotho a tshwana le a moo o dulang? Hlalosa.
  5. O rata Mariha a ho kae? Hobaneng?
  6. O nahana hore ke hobaneng ha dimela tse ngata di sa hole le ho shwa Mariha?.
  7. Hlalosa hore ke hobaneng ha letsatsi le dieha ho tjhaba empa le dikela kapele Mariha.
11
Attribution CC BY
Your attribution should include the following:
Title: Lihle le Lwandle ba ithuta ka Mariha
Author/s: Ndivhuho Mutsila
Translator/s: Mathapelo Morake
Illustrator/s: Vusi Malindi
Assurer/s: Nthabiseng Tsatsi
Language: Sesotho (South Africa)

© Zenex Foundation - Saide 2025 (Updated Edition)

CC BY includes the following elements:
 BY   – Credit must be given to the creator