Lihle le Lwandle ka marega
Ndivhuho Mutsila
Vusi Malindi
Sepedi
First paragraphs
Lihle le Lwandle ba sepela ka pese go yo etela malome wa bona Lesotho.
-
Ke la mathomo ba eya nageng ye nnyane ya dithaba ka pese.
1
Lihle le Lwandle ba be ba bona mafelo ge ba nametše pese. “Go wele lehlwa mo gohle!” Lwandle a realo.
-
“Le swana le kobo ye koto ye tšhweu yeo e khupeditšego dilo ka moka,” Lihle a dumela.
2
“Ke leboga gore pese ye e na le seruthufatši ka gare!” Lwandle a realo.
-
“Ee, go tonya kudu ka ntle. Marega a mo a botšididi kudu,” Lihle a realo.
3
“Marega a Lesotho a tonya kudu go feta kua gae Limpopo,” Lihle a tšwela pele.
-
“Ke tshepa gore ke pakile diaparo tšeo di lekanego tše borutho,” Lwandle a realo.
4
Pese e rile go fihla, Lihle le Lwandle ba bona malome gomme ba mo emišetša matsogo. O apere jase ye kgolo, sekhafo le mongatse.
-
“Ee! Ee!” Ke Lwandle a thothomela ge a fologa.
5
Dijesi tša bona ke tše bofefo go ba šireletša botšididi bja mo.
-
Malome o ba tletše le dikobo tše dibotse tša borutho.
-
“Le amogetšwe sehleng sa marega!” a ba dumediša.
6
“Le hlokomeleng moo le gatago gona gobane go na le aese ya go thedimoša,” a ba lemoša.
-
Ba ile ba feta mohlape wa dinku tša boya bjo bo koto di kgobokane di itšhireletša phefo.
7
Ka fase ga lehlwa, bjang bo omile ebile ke bjo bo sotho. Diphoofolo ga di na bjang bja go fula.
-
Mehlare ye mentši ga e sa mela goba e a hwa marega.
8
Lihle le Lwandle ba duletše mollo sebešong ka sethopeng sa malome.
-
O ba fa nama ya kgomo ya go apewa le ditapole. “Dijo tše tša setšo di tla ruthetša mebele ya lena,” a realo.
9
“Marega, letšatši le diega go hlaba la dikela ka pela. Re dula ka dintlong nako ye telele,” malome a realo.
-
“Re tla bala dipuku le go raloka dipapadi!” Lihle le Lwandle ba bolela ka nako e tee.
10

——Dipotšišo


  1. Na Lihle le Lwandle ba mo kae? Hwetša lefelo leo mmepeng.
  2. Ke sehla sefe se go bolelwago ka sona?
  3. Hwetša mantšu a mararo a go hlaloša sehla se.
  4. Efa diaparo tše 4 tša marega.
  5. Ekaba marega a Lesotho a swana le marega a moo o dulago gona? Hlaloša.
  6. Ke marega afe ao o a ratago kudu? Ka lebaka la eng?
11
Attribution CC BY
Your attribution should include the following:
Title: Lihle le Lwandle ka marega
Author/s: Ndivhuho Mutsila
Translator/s: Dikeledi Queen Shai
Illustrator/s: Vusi Malindi
Assurer/s: Connie Makgabo
Language: Sepedi

© Zenex Foundation - Saide 2024

CC BY includes the following elements:
 BY   – Credit must be given to the creator