ULihle noLwandle ebusika
Ndivhuho Mutsila
Vusi Malindi
isiNdebele
First sentences
ULihle noLwandle bakhamba ngebhesi bayokuvakatjhela umalumabo eLesotho.
-
Livakatjho labo lokuthoma lokuya enarheni encani esentabeni.
1
Abodade laba baqala izinto ezibazombelezileko bangebhesini.
-
“Kunegabhogo koke!” kubabaza uLwandle.
-
“Kufana nengubo emhlophe eyembese yoke into,” kuvuma uLihle.
2
“Ngithabile ngombana ibhesi le ifuthumele ngaphakathi!” kutjho uLwandle.
-
“Iye, kuzokuba makhaza ngaphandle. Amazinga wokutjhisa webusika endaweni le ehla abe ngaphasi kwezinga elikghadzisa ummongo,” kutjho uLihle.
3
“Amazinga wokutjhisa webusika eLesotho amakhaza khulu ukudlula ekhaya eLimpopo,” kuraga uLihle.
-
“Brrr, Ngiyathemba ngipake izambatho ezaneleko ezifuthumelako,” kutjho uLwandle.
4
Ibhesi iyafika begodu abantazanyana baphakamisela umalumabo isandla. Wembethe ijasi ekulu, isikhafu nengwani.
-
“Ee-ee!” kuchachazela uLwandle nakaphumela ngaphandle.
5
Iinjeresi zabantazanyanaba zilula khulu malungana namazinga wokutjhisa wendawo le.
-
Umalume uphathele abazukulu bakhe iingubo ezifuthumeleko. “Ngiyanamukela ebusika!” uyabalotjhisa.
6
“Tjhejani lapho nikhamba khona, phasapha kunerhwaba begodu kuyatjhelela,” uyabayelelisa.
-
Badlula izimvu ezimbalwa ezinoboya zibuthelelene ndawonye ukobana zifuthumale.
7
Ngaphasi kwegabhogo, utjani bomile begodu buzotho.
-
Akunatjani obaneleko obungadliwa yifuyo.
-
Iintjalo ezinengi azimili namkha ziyafa ebusika.
8
Abantazanyana bahlala eduze nomlilo ngendlini yakamalumabo.
-
Ubapha inyama yekomo enamazambana.
-
“I-lekhotloane lesintu leli lizanifuthumeza,” uyatjho.
9
“Ebusika, ilanga liphuma lada, begodu litjhinga msinya. Sizokuba ngendlini ama-awa amanengi,” kutjho uMalume.
-
“Sizilungiselele ngeencwadi nemidlalo!” ikhorasi bantazana.
10

——Imibuzo


  1. Bakuphi uLihle noLwandle? Thola indawo leyo emebheni.
  2. Ngisiphi isikhathi somnyaka?
  3. Thola amagama amathathu ahlathulula lesi sikhathi somnyaka.
  4. Rhelisa izambatho ezi-4 zebusika
  5. Ingabe ubusika beLesotho buyafana nobusika balapho uhlala khona? Hlathulula.
  6. Ngibuphi ubusika obuthanda khulu? Kubayini?
11
Attribution CC BY
Your attribution should include the following:
Title: ULihle noLwandle ebusika
Author/s: Ndivhuho Mutsila
Translator/s: Vusi Mahlangu
Illustrator/s: Vusi Malindi
Assurer/s: Sponono Mahlangu
Language: isiNdebele

© Zenex Foundation - Saide 2024

CC BY includes the following elements:
 BY   – Credit must be given to the creator