Lihle na Lwandle hi ximun’wana
Tebogo Boikanyo Matshana
Tebogo Matshana
Xitsonga
First paragraphs
Lihle na Lwandle va le Northern Cape va endzela mutswalawa vona, Lina.
-
Lina u famba na vona ku ya vona swiluva eka ndhawu leyi vuriwaka Namaqualand.
1
Vamakwavo va hlamarile!
-
“Laha hansi ku funengetiwile hi mihlovo yo vangama!” ku hlamala Lwandle.
-
Lina a n’wayitela, “Eku sunguleni ka ximun’wana, swiluva swotala swa baleka laha.”
2
Lina a ya emahlweni, “Endzhaku ka mpfula, loko maxelo ya tlakuka, swiluva swa kula hinkwako.”
-
“Nkarhinyana wutsongo, misava leyi yo oma yi va ndhawu ya swiluva.”
3
“Hi ximun’wana, manana wa hina u byala mbewu exirhapeni. I mani a nga byala swiluva laha?” ku vutisa Lwandle.
-
Lina a hlamula, “I swiluva swa nhova, ku hava loyi a nga swibyala.”
4
“Namaqualand yi na swimilani, swiharhi, na switsotswani swo hambana,” ku vula Lina.
-
“Ndzi hleketa ku ri vito ra sweswo I ‘bayodayivhesiti’,” Lihle a tsundzuka.
-
“Bayo yini?” ku vutisa Lwandle.
5
“Ina, bayodayivhesiti hiloko ku ri na swilo leswi hanyaka swo hambana endhawini,” ku hlamula Lina.
-
“Bayodayivhesiti hi ntumbuluko wu endla mbangu lowu nga kahle,” ku vula Lihle.
6
Vanhwana va hundza murisi na tinyimpfu ta yena.
-
“Meee!” nyimpfu yi rila.
-
“Meee!” vanhwana va yimbelela.
-
“Swinyimpfana swotala swi tswariwa hi ximun’wana,” ku lemuka Lihle.
7
“Swifuwo swotala swa tswala, kumbe swi tlhotlhorha matandza hi ximun’wana,” ku pfumela Lina.
-
“Ndzi rhandza vana va swiharhi! Kahle kahle ximun’wana xi sungula rini?” ku vutisa Lwandle.
8
“Swatika ku va ni ntiyiso hi tinguva,” ku hlamula Lina.
-
A ya emahlweni, “kambe hitala ku vona swikoweto swa ximun’wana kwalahaya ka Ndzati.”
9
“Maxelo ya sungula ku kufumela, naswona mpfula yi sungula ku na,” ku vula Lina.
-
“Kutani, hi nkarhinyana, mananga ya hundzuka xirhapa xa swiluva,” ku n’wayitela Lihle.
10

——Swivutiso


  1. Xana Lihle na Lwandle va le kwihi? Kuma ndhawu eka mepe.
  2. Xana i nguva yini eka ntsheketo?
  3. Xana ku humelela yini hi nguva leyi?
  4. Xana ximun’wana xa fana na ndhawu leyi kumbe xa hambana na laha u tshamaka kona? Hlamusela.
  5. Xana swimilani swilava ku kulela yini?
  6. Xana hi yihi nguva leyi u yi tsakelaka? Hikokwalaho ka yini?
11
Attribution CC BY
Your attribution should include the following:
Title: Lihle na Lwandle hi ximun’wana
Author/s: Tebogo Boikanyo Matshana
Translator/s: Hlongwani Hlongwani
Illustrator/s: Tebogo Matshana
Assurer/s: Bongani Maluleke
Language: Xitsonga

© Zenex Foundation - Saide 2024

CC BY includes the following elements:
 BY   – Credit must be given to the creator