Lihle na Lwandle vha guda nga ha tshimedzi
Tebogo Boikanyo Matshana
Tebogo Matshana
Tshivenḓa
First paragraphs
Lihle na Lwandle vha ngei Northern Cape, vho dalela muzwala wavho Lina.
-
Lina u ṱuwa navho u vhona maluvha fhethu hu vhidzwaho Namaqualand.
1
Mukomana na murathu vho mangalesa!
-
Lwandle o akhamala, “Mivhala yo nakaho yo tiba hoṱhe!”
-
Lina a setshelela, “Tshimedzi tshi tshi thoma, hu mela maluvha manzhi henefha.”
2
Lina a bvela phanḓa, “Musi mvula yo na, nahone hu tshi dudela, maluvha a mela hoṱhe.”
-
“Lwa tshifhinganyana, heḽi soga ḽi shanduka ḽa vha masimu a maluvha.”
3
“Nga tshimedzi, mme ashu vha ṱavha mbeu ngadeni. Ndi nnyi o ṱavhaho maluvha afha?” hu vhudzisa Lwandle.
-
Lina a fhindula, “Ndi maluvha a ḓaka, ha ṱavhiwi nga muthu.”
4
Lina u ri, “Namaqualand hu na zwimela, zwipuka, na zwikhokhonono zwo fhambafhambanaho.
-
Lihle a humbula, “Zwi vhidzwa biodiversity.”
-
“Ndi bio mini?” hu vhudzisa Lwandle.
5
Lina a fhindula, “Biodiversity ndi musi hu na zwithu zwa mifuda yo fhambanaho zwi tshilaho fhethu huthihi.”
-
“Biodiversity i sika vhupo vhu re na mutakalo,” ndi Lihle.
6
Vhananyana vha fhira mulisa na nngu dzawe.
-
“Baaaa!” nngu dza kuma.
-
“Baaaa!” vhananyana vha edzisa.
-
Lihle u ri, “Nngu nnzhi dzi dzwalwa nga tshimedzi.”
7
Lina a tenda, “Zwifuwo zwinzhi zwi dzwala kana u thothonya nga tshimedzi.”
-
“Ndi funa zwifuwo zwiṱuku! Matsiko tshimedzi tshi thoma lini?” hu vhudzisa Lwandle.
8
Lina u ri, “Zwi a konda u ḓivha u thoma ha khalaṅwaha nga ho livhaho.”
-
U bvela phanḓa, “Kanzhi ri vhona zwiga nga ṅwedzi wa Tshimedzi.”
9
Lina u ri, “Mutsho u a dudela, na mvula dza na.”
-
Lihle a ṅwethuwa, “Nga murahu, lwa tshifhinganyana, soga ḽi vha ngade ya maluvha a ḓaka.”
10

——Mbudziso


  1. Lihle na Lwandle vha ngafhi? Wanani afho fhethu kha mapa.
  2. Tshiṱori tshi amba nga khalaṅwaha ifhio?
  3. Hu itea mini nga yeneyi khalaṅwaha?
  4. Tshimedzi tsha hune na dzula hone tshi fana kana u fhambana hani na tsha tshiṱorini Ṱalutshedzani?
  5. Zwimela zwi ṱoḓa mini uri zwi aluwe?
  6. Ni funesa khalaṅwaha ifhio? Ndi ngani?
  7. Ni humbula uri ndi ngani khalaṅwaha yo bulwaho kha tshiṱori i tshi vhidzwa Tshimedzi?
  8. Naa ni a tenda uri biodiversity i sika mutakalo wavhuḓi wa vhupo? Ṱalusani.
11
Attribution CC BY
Your attribution should include the following:
Title: Lihle na Lwandle vha guda nga ha tshimedzi
Author/s: Tebogo Boikanyo Matshana
Translator/s: Doris Manyamalala
Illustrator/s: Tebogo Matshana
Assurer/s: Tshedza Tlhako
Language: Tshivenḓa

© Zenex Foundation - Saide 2025

CC BY includes the following elements:
 BY   – Credit must be given to the creator