Lihle naLwandle entfwasahlobo
Tebogo Matshana
Tebogo Matshana
Siswati
First paragraphs
BoLihle naLwandle baseNyakatfo Kapa bavakashele umzala wabo, Lina.
-
Lina uhamba nabo bayobona timbali endzaweni lebitwa ngekutsi yiNamaqualand.
1
Lamantfombatane ayamangala!
-
“Yonkhe indzawo igcwele imibala legcamile!” kubabata Lwandle.
-
Lina uyamomotseka, “Makucala intfwasahlobo, kuvela timbali letinyenti lapha.”
2
Lina uyachubeka, “Nasekunetimvula, nemazinga ekushisa ayenyuka, bese kumila timbali yonkhe indzawo.”
-
“Ngesikhashana nje, lendzawo lete lutfo iyashintja ibe yinsimu yetimbali.”
3
“Entfwasahlobo, make wetfu utjala inhlanyelo engadzeni. Pho ngubani lotjale letimbali lapha?” kubuta Lwandle.
-
Lina uyaphendvula, “Leti timbali tesiganga, kute lotitjalile.”
4
“Lana eNamaqualand kukhona tinhlobonhlobo letinyenti tetitjalo, tilwane, kanye netinambutane,” kusho Lina.
-
“Ngicabanga kutsi ligama laloko yi-biodiversity,” Lihle uyakhumbula.
-
“Bio-what?” kubuta Lwandle.
5
“Yebo, i-biodiversity ngulapho kunetintfo letehlukahlukene letiphilako endzaweni yinye,” kuphendvula Lina.
-
“I-Biodiversity yenta imvelo iphile kahle,” kusho Lihle.
6
Lamantfombatane engca umelusi loweluse timvu takhe.
-
“Mmeee!” kukhala timvu.
-
“Mmeee!” kulingisela emantfombatane.
-
“Tinyenti timvu letitalwa entfwasahlobo,” kuphawula Lihle.
7
“Tilwane letinyenti tiyatala nobe tichamisele emacandza entfwasahlobo,” kuvuma Lina.
-
“Ngiyabatsandza bantfwana betilwane! Konje icala nini vele intfwasahlobo?” kubuta Lwandle.
8
“Kulukhuni kusho ngalokucondzile kutsi sikhatsi semnyaka sicala nini,” kuphendvula Lina.
-
Ubese uyachubeka, “Kepha sicala kubona timphawu tekucala tentfwasahlobo ngeNyoni.”
9
“Simo selitulu sicala kufutfumala, bese kucala netimvula,” kusho Lina
-
“Ngekushesha ngemuva kwaloko, lolugwadvule luyashintja lube yingadze yetimbali tesiganga,” kumoyitela Lihle.
10

——Imibuto


  1. Bakuphi boLihle naLwandle? Tfola lendzawo ebalaveni.
  2. Ngusiphi sikhatsi semnyaka lesi?
  3. Kwentekani kulesikhatsi semnyaka?
  4. Intfwasahlobo yasendzaweni lohlala kuyo iyafanana yini nalena nobe yehlukile? Chaza.
  5. Titjalo tidzinga ini kute tikhule?
  6. Ngusiphi sikhatsi semnyaka lositsandza kakhulu? Kungani?
11
Attribution CC BY
Your attribution should include the following:
Title: Lihle naLwandle entfwasahlobo
Author/s: Tebogo Matshana
Translator/s: Simangele Khoza
Illustrator/s: Tebogo Matshana
Assurer/s: Mduduzi Benjie Shongwe
Language: Siswati

© Zenex Foundation - Saide 2024

CC BY includes the following elements:
 BY   – Credit must be given to the creator