Khathaza o vha a tshi funwa nga maanḓa. Vhabebi vhawe vho vha vha tshi mu itela zwoṱhe zwine a funa.Khathaza o vha e ene musidzana e eṱhe.O vha e na khaladzi dza rathi.Vhabebi vha Khathaza vho vha vho mu lema.

Ḽiṅwe ḓuvha Khathaza o vha a tshi ṱoḓa u tamba bola na khaladzi dzawe.“Ni nga vhaisala,” mme awe vha ralo vha tshi mu luvhelela.Khaladzi dzawe dza hana u tamba bola nae. Khathaza a thoma u lila.

Nga murahu, Khathaza u a ṋenga hayani, a shavhela ḓakani.A ḓi vhudza u ri, “Ndi ḓo vha sumbedza vhoṱhe uri a thi ṅwana.”A gonya muri mulapfu.

Vhabebi vhawe vha ṱoḓa Khathaza ḓakani u swikela vha tshi mu wana.Vha mu luvhelela uri a tse, fhedzi a hana.

Khaladzi dzawe dzo lingedza u mu kwengweledza. Vha vhidzelela vha ri, “Khathaza, kha tse, u ḓo ḓi huvhadza.”Muṅwe wavho a lidza luimbo lune a lu funesa, vhaṅwe vha imba.

Tsinyuwo ya Khathaza ya thoma fhungudzea nga zwiṱuku nga zwiṱuku.U thetshelesa luimbo zwo ita uri a dzike.Na ene a thoma u imba.Fhedzi o vha a sa athu ḓiimisela u tsa.

Khonani yawe ya mbiluni Sihle na ene a ḓa u mu ṱuṱuwedza uri a tse.Sihle a huwelela a ri, “Khathaza, kha tse, kha tse. A thi ṱoḓi a tshi lovha.”

Sihle a lindela a sa fheli mbilu. Khathaza a fheleledza o tsa. A kuvhatedza Sihle.Sihle a vhudzisa, “Khonani yanga, ndi ngani o shavha hayani a gonya muri?”

Khathaza a ṱalutshedza a ri, “Ndo pfa ndi songo takala ngauri vhathu vhoṱhe vha nnyita ṅwana.”A engedza, “Ndo vha ndi tshi ṱoḓa u vha sumbedza uri ndi nga kona u ita tshiṅwe na tshiṅwe tshine tsha itwa nga khaladzi dzanga.”

Muṱa wa hawe wa mu itela phathi u itela u pembelela u vhuya hawe hayani a songo huvhala.U bva nga ḽeneḽo ḓuvha, khaladzi dzawe dzo tenda Khathaza a tshi tamba bola nadzo.