Khathaza bekatsandvwa kakhulu. Bekatfola yonkhe intfo layifunako kubatali bakhe.Khathaza bekunguye kuphela indvodzakati yabo. Bekanabomnakabo labasitfupha.Batali baKhathaza bebamtotosa.

Ngalelinye lilanga, Khathaza bekafuna kuyodlala ibhola nebafana.“Kungenteka ulimale,” kusho make wakhe.Bomnakabo bebangafuni kudlala ibhola naye. Khathaza wacala kukhala.

Ngemva kwaloko, Khathaza wabaleka ekhaya wagijima wayongena ehlatsini.“Ngifuna kubonisa wonkhe umuntfu kutsi angisiye umntfwana,” atikhulumela yedvwa.Wagibela esihlahleni lesidze.

Batali bakhe bamfuna ehlatsini baze bamtfola Khathaza.Bamcela kutsi akehle esihlahleni, kodvwa akavumanga kwehla.

Bomnakabo betama kumdvudvuta. Bambita, “Khathaza, yehla, utolimala.”Lomunye wabo wamdlalela ingoma yakhe layitsandzako, futsi labanye bahlabela.

Intfukutselo yaKhathaza yaya ngekuba ncono.Kulalela ingoma kwamenta wativa anekuthula.Naye wase uyacala uyahlabelela.Nanobe kunjalo bekaselo angafuni kwehla.

Kwefika Sihle, umngani wakhe lomkhulu, atomncenga kutsi akehle.“Khathaza, yehla, yehlela phansi. Angifuni kulahlekelwa nguwe,” kusho Sihle.

Sihle walindza ngekubeketela. Ekugcineni Khathaza wehla esihlahleni. Wagaca Sihle.“Mngani wami, ubaleke lene wase ugibela esihlahleni?” kubuta Sihle.

“Bengiphatseke kabi ngoba wonkhe umuntfu bekangiphatsisa kwemntfwana,” kuchaza Khathaza.“Bengifuna kubabonisa kutsi ngingenta nobe yini leyentiwa bomnaketfu,” engeta.

Umndeni waKhathaza wenta lidzili lekuhalalisela kubuya kwakhe aphephile.Kusukela ngalelo langa kuchubeke, bafana bamvumela Khathaza kutsi adlale ibhola kanye nabo.