Khathaza o ne a ratega. O ne a bona sengwe le sengwe se a neng a se batla mo batsading ba gagwe.Khathaza e ne e le mosetsanyana wa bona a le nosi. O ne a na le bokgaitsadie ba le barataro.Batsadi ba gagwe ba ne ba mo pepetletsa.

Letsatsi lengwe Khathaza o ne a batla go tshameka kgwele le basimane.“O ka nna wa gobala,” mmaagwe a mo kopa.Bokgaitsadie ba ne ba gana go tshameka kgwele le ene. Khathaza a simolola go lela.

Moragonyana, Khathaza a sutlha mo gae mme a tshabela kwa sekgweng.“Ke tla ba supetsa botlhe gore ga ke lesea,” a ipolelela.A palama setlhare se se telele.

Batsadi ba gagwe ba ne ba mmatla mo sekgweng, go fitlha ba mmona.Ba ne ba mo rapela gore a fologe, mme ba palelwa.

Bokgaitsadie ba ne ba leka go mo gomotsa. Ba bitsa ba re, “Khathaza, fologa, o tlile go ikgobatsa.”Mongwe wa bona a opela pina ya gagwe e a e ratang, mme ba bangwe ba le bona ba opela.

Go galefa ga ga Khathaza ga okobala.Go reetsa pina ga mo dira gore maikutlo a ye tlase.A simolola go opela le ene.Mme fela o ne a sa ikemisetsa go fologa.

Tsala ya gagwe Sihle, a tla go mo kopa go fologa.“Khathaza, fologa, fologa. Ga ke batle gore o ntatlhegele,” Sihle a goeletsa.

Sihle a leta ka bopelotelele. Khathaza kwa bofelong a fologa setlhare. A tlamparela Sihle.“Tsala ya me, ke goreng o tshabile mme wa palama setlhare?” Sihle a botsa.

“Ke utlwa botlhoko ka gore botlhe ba ntsaya jaaka lesea,” Khathaza a tlhalosa.“Ke ne ke batla go ba bontsha gore ke kgona go dira sengwe le sengwe se bokgaitsadiake ba se dirang,” a tlhalosa.

Balelapa la ga Khathaza ba dira moletlo go keteka go boa ga gagwe ka pabalesego.Go tloga letsatsi leo go ya pele, basimane ba dumelela Khathaza go tshameka kgwele le bona.