Khathaza o ne a ratwa haholo. O ne a fumana seo a se batlang ho batwsadi ba hae.Khathaza e ne e le moradi wa bona ya mong feela.Batswadi ba hae ba ne ba mo tetesa.

Ka tsatsi le leng Khathaza a batla ho bapala bolo le bashanyana.“O tla lemala,” ho rialo mmae a mo qekisa.Kgaitsedi tsa hae tsa hana ho bapala bolo le yena. Khathaza a qala ho lla.

Ha moraonyana, Khathaza a nyenyelepa a mathela morung.“Ke tla ba bontsha hore nna ha ke lesea,” a rialo a bua a le mong.A palama sefate se selelele.

Batswadi ba hae ba mmatla morung ho fihlela ba mo fumana.Ba mo qeka hore a theohe empa ba hlolwa.

Kgaitsedi tsa hae tsa leka ho mo kgothatsa, “Khathaza theoha sefateng o tla itematsa,” ke kgaitsedi tsa hae di mmitsa.E mong wa dikgaetsedi tsa hae a mo bapalla pina ya e ratang.

Kgalefo ya Khathaza ya nna ya kokobela.Ho mamela pina ha mo kokobetsa.A qala ho bina le yena.Empa o ne a so ikemisetse ho theoha sefateng.

Mokgotsi wa hae Sihle a mo kgodisa ho theoha sefateng.“Khathaza, theoha, theoha. Ha ke batle ho o hloka,” ke Sihle a hweleditse.

Sihle a mo emela ka mamello. Qetellong Khathaza a theoha sefateng. A haka Sihle.“Mokgotsi, hobaneng o ineha naha o ilo palama sefate?” ho botsa Sihle.

“Ke utlwile bohloko hobane bohle ba ntshwara jwaloka lesea,” ho hlalosa Khataza.“Ke ne ke batla ho ba bontsha hore le nna nka etsa seo dikgaitsedi tsa ka di se etsang,” ke Khathaza a tswela pele ho hlalosa.

Lelapa labo la mo etsetsa mokete wa ho leboha ho kgutla ha hae.Ho tloha tsatsing leo, bashanyana ba dumella Khathaza ho bapala bolo le yena.