Khathaza o be a ratwa ke batswadi ba gagwe kudu. Ba be ba mo fa dilo ka moka tšeo a bego a di nyaka.E be e le mosetsana a nnoši. O be a na le dikgaetšedi tše tshela.Batswadi ba Khathaza ba be ba mo lemile.

Ka letšatši le lengwe, Khathaza o be a nyaka go raloka kgwele ya maoto le bašemane.“O ka gobala,” mmagwe a mo kgopela.Dikgaetšedi tša gagwe ba ile ba gana go raloka le yena kgwele ya maoto. Khathaza a thoma go lla.

Ka morago, Khathaza a ngwega a kitimela lešokeng. “Ke tla ba bontšha ka moka gore ga ke ngwana,” a ipotša bjalo.A namela mohlare wo motelele.

Batswadi ba gagwe ba ile ba mo nyaka ka lešokeng go fihlela ba mo hwetša.Ba mo kgopela gore a fologe, efela gwa pala.

Dikgaetšedi tša gagwe ba ile ba leka go mo kgothatša. Ba mmitša, “Khathaza, fologa, go sego bjalo o tlo ikgobatša.”Yo mongwe wa bona a raloka koša yeo a e ratago kudu gomme ba bangwe ba opela le yena.

Pefelo ya Khathaza ya fokotšega gannyane gannyane.Koša ya mo dira gore a be kaone.A thoma go opela le bona.Le ge a opela le bona, o be a se a ikemišetša go fologa.

Mogwera wa gagwe wa potego, Sihle, o ile a tla a mo tutuetša gore a fologe.“Khathaza, fologa, fologa. Ga ke nyake gore o ntahlegele,” Sihle a bitša.

Sihle a leta ka go se fele pelo. Mafelelong Khathaza a fologa mohlareng. A gokara Sihle.“Mogwera, goreng o tšhabile wa yo namela mohlare?” Sihle a botšiša.

“Ke nyamišitšwe ke gore batho ka moka ba ntšea bjalo ka lesea,” Khathaza a hlaloša.“Ke be ke nyaka go ba bontšha gore ke kgona go dira dilo ka moka tše dikgaetšedi tša ka ba di kgonago,” a tlaleletša.

Ba lapa la gaboKhathaza ba ile ba dira moletlo wa go keteka ge a boile a bolokegile.Go tloga letšatšing leo, bašemane ba ile ba dumelela Khathaza gore a raloke kgwele ya maoto le bona.