UKhathaza wabe athandwa aligugu. Wabe athola koke akufunako kubabelethi bakhe.UKhathaza wabe kunguye kwaphela umntazanyana wabo. Wabe anabafowabo abasithandathu.Ababelethi bakaKhathaza bebamtotosa.

Ngelinye ilanga uKhathaza bekafuna ukuyokudlala ibholo erarhwako nabanye abesana.“Kungenzeka ulimale,” kutjho unina amncenga.Abafowabo bala ukudlala ibholo erarhwako naye. UKhathaza wathoma walila.

Ekukhambeni kwesikhathi uKhathaza wakhukhutha ekhaya wagijimela ehlathini.“Ngizobatjengisa boke bona angisesemntwana omncani,” utjho azibetha isifuba.Wakhwelela emthini omkhulu.

Ababelethi bakhe bafuna ehlathini bekwafika lapha bafumana khona uKhathaza.Bamncenga ukobana ehle, kodwana akhange baphumelele.

Abafowabo bazama ukumncenga. Bamrhuwelela,“Khathaza, yehla, uzokulimala.”Omunye wabo wamvumela ingoma yakhe ayithandako, nabanye nabo bamlandela bavuma.

Ukusilingeka kwakaKhathaza kwaba ngcono, igwebu lehla.Ukulalela ingoma kwenza bona umoyakhe wehle.Naye wathoma wavuma.Kodwana nanje bekangakazimiseli ukwehla emthini.

USihle, omnganakhe omkhulu, weza wazomncenga ukobana ehle.“Khathaza, yehlika, yehlika. Angifuni ukukuloba,” kumemeza uSihle.

USihle wajama wabekezela. Ekugcineni uKhathaza wehla emthini, Wasingatha uSihle.“Mngani, kubayini ubalekile wakhwelela emthini?Kubuza uSihle.

“Ngizizwe ngingakaphatheki kuhle ngombana woke umuntu ungithatha njengomntwana osesemncani,” kuhlathulula uKhathaza.“Bengifuna ukubatjengisa bona ngingenza nanyana yini abomnakwethu abangayenza,” kungezelela uKhathaza.

Umndeni kaKhathaza wenza umnyanya omkhulu bagidinga bona ubuye ekhaya asaphephile.Ukusukela mhlokho, abesana bavumela uKhathaza ukobana adlale nabo ibholo erarhwako.