Hikokwalaho ka vuvabyi bya Kgothatso, madokodela a va fanele ku tsema nenge wun’we ehansi ka tsolo. U tirhisa nenge wo endliwa.Loko a ha ri n’wana, vana van’wana a va nga lavi ku huhwa na yena hikokwalaho ka xiyimo xa yena.Kambe mana wa yena a nga n’wi voni a hambana na vana van’wana. A ri na mitirho ya le kaya ku fana na vana van’wana.

Mana wa Kgothatso u n’wi yisile exikolweni xa Helen Franz Special Needs. Lexi i xikolo xa vutsoniwa.Hi le ka xikolo lexi laha a kombiseke nyiko ya yena ya mitlangu.Exikolweni, va n’wi dyondzisile ku cina micino ya Ballroom na Latin American.

Un’wana wa vadyondzisi va Kgothatso u n’wi hlawurile ku yimela xikolo xa vona eka thenisi eJoni.Kgothatso a nga si tshama a tlanga thenisi.Kgothatso u ri, “A ndzi fanele ku swi endla leswi hikuva ndzi dyondzisiwile ku xixima lavakulu.”

Kgothatso u ve a tlanga kahle ku yimela xikolo xa yena. Laha hi kona a sunguleke ku tlanga thenisi ya le ka whilichere emisaveni hinkwayo.U ve a nyikeleriwa hi whilichere na swiambalo swa thenisi.

Kgothatso u sungule ku nghenelela eka miphikizano ya thenisi eka misava hinkwayo.U tekile masagwati eBelgium na le Switzerland. Thonamente ya thenisi ya le Swisa hi yona a yi rhandzaka swinene.EAfrika-Dzonga, u xiximiwile ku ringana kanharhu tanihi waxinsati wa mitlangu wa lembe.

Hi malembe ma 2013 na 2014, Kgothatso u ve na xiave eka thonamente ya thenisi eAustralia, Furwa na Amerika.U tlangile thenisi ya n’wayexe, a ri yexe. Laha u va a tlanga na ntlawa wumbirhi wa vatlangi na vatlangi vambirhi.

Kgothatso u tlhele a tlanga na le ka tipharalimpiki, ku nga ntlangu wa tiolimpiki wa vutsoniwa lava tlangaka mintlagu.Ku tiolola eka mphikizano wa muxaka lowu a swi tika, kambe Kgothatso a nga tshikanga.Wa ha phikizana na sweswi eka Xipano xa Tipharalimpiki ta Afrika-Dzonga.

Kgothatso u tlhele a tirha hi matimba eka swa tidyondzo. U yile eYunivhesiti ya Vhenda laha a endleke digiri ya Sayense ya Vuhungasi na Mitlangu.EYunivhesiti, ntlangu wa thenisi ya whilichere a ku ri wona ntsena a wu tlangiwa hi vanhu lava nga na vutsoniwa.

Wimbledon ya le Nghilandhi hilaha ntlangu wo duma wa thenisi wu khomeriwaka kona lembe na lembe.Hi lembe ra 2018, Kgothatso u vile muntima wa xisati wo sungula wa Afrika-Dzonga ku va a fikelela ku ya ka Wimbledon.

Kgothatso u ve a ya eNghilandhi ku ya tlanga eka thonamente ya Wimbledon.Kambe a nga ri na mali yo hakela xihahampfhuka na byetlelo.Kgothatso a vilela hi mhaka leyi kambe u ve a pfuniwa hi ntlawa wa van’wabindzu va xisati.

Thonamente ya Wimbledon ku vile thonamente ya Grand Slam ya vumune ku va Kgothatso a yile eka yona.Tithonamente ta vumune ta misava hinkwayo ya mphikizano ti vuriwa Grand Slam.U vile Muafrika wo sungula wa mutlangi wa thenisi ya whilichere wo phikizana eka thonamente ya vumune ya Grand Slam eka lembe rin’we.

Kgothatso i mutlangi wa le henhla wa thenisi ya whilichere eAfrika-Dzonga na le Afrika. Hi un’wana wa vatlangi vatlhanu va thenisi ya whilichere emisaveni hinkwayo.Ehenhla ka leswi a nga humelela eka swona, Kgothatso u pfuneta vatlangi van’wana va vatsoniwa.I xikombiso xa leswaku u nga endla swin’wana na swin’wana hambi u ri na vutsoniwa.