Kgothatso Montjane naletsana ya tenese
Glanice Masilo
Sibusiso Khumalo
Sesotho (South Africa)
Longer paragraphs

——


Pale ena e bua ka Kgothatso Montjane.
-
O tswaletswe Polokwane ka selemo sa 1986, motseng wa Seshego.
-
Ngwananyana enwa o tswetswe ka lefu le tshwaeditseng matsoho le maoto a hae.
-
Empa le ha ho lejwalo o ile a tuma ka ho ba naletsana ya tenese.
1
Ka lebaka la lefu lena, dingaka di ile tsa tshwanela ho mo kgaola leoto le leng ka tlasa lengwele. O sebedisa leeto la polasitiki.
-
Ha esale ngwana, bana ba bang ba ne ba sa rate ho bapala le yena ka baka la boqhwala ba hae.
-
Empa mmae o ne a sa mo kgese, le yena o ne a mo abetse mesebetsi ya ka lapeng.
2
Mme wa Kgothatso o ile a mo romela sekolong se ikgethileng sa Helen Franz. Sena ke sekolo sa bana ba qwhadileng.
-
Ke sekolong sena moo Kgothatso a ileng a bontsha talente dipapading.
-
Sekolong sena ba ile ba mo ruta tantshi ya Ballroom le ya Latin American.
3
E mong wa matitjhere a Kgothatso, o ile a mo kgetha ho emela sekolo sa bona kampong ya tenese e neng e le Johannesburg.
-
Kgothatso o ne a soka a bapala tenese!
-
4
Kgothatso a bapala hantle kampong ya tenese. Ena ya eba qalo ya leeto la hae la ho ba naletsana ya tenese e sebedisang setulo sa mabidi lefatshe ka bophara.
-
A fumana nyehelo ya setulo sa mabidi le disebediswa tse ding tsa tenese.
-
O ne a le tseleng ya ho ba e mong wa dibapadi tse qhwadileng tse hlwahlwa Afrika Borwa.
5
Kgothatso a qala ho kenela ditlhodisano tsa tenese lefatshe ka bophara a sebedisa setulo sa mabidi.
-
A hapa ditlhodisano tsa Belgium le Switzerland. Thonamente ya tenese ya Swiss e bile yona ya e ratileng haholo.
-
Mona Afrika Borwa, o ile a tlotlwa hararo jwaloka moparalimpiki wa selemo wa mosadi dipapading.
6
Ka selemo sa 2013 le 2014, o ile a nka karolo dithonamenteng tsa Australia, France le Amerika.
-
O bapetse tenese disengeleng a le mong, ha didaboleng a ne a ena le sebapadi se seng.
7
Kgothatso hape a kanela ditlhodisano tsa dipapadi tsa diparalimpiki, tsona ke dipapadi tsa diolimpiki tsa dibapadi tsa batho ba qhwadileng.
-
Ho ikwetlisetsa dipapadi tsena ho ne ho le boima, feela Kgothatso ha a ka ba a nyahama.
8
Kgothatso o sebeditse ka thata dithutong tsa hae. O kene Univesithing ya Venda moo a ileng a ithutela dikiri ya boithapollo le Saense ya dipapadi.
-
Univesithing papadi ya tenese e bapalwang ka setulo sa mabidi e ne e le yona feela e neng e ka bapalwa ke batho ba qhwadileng.
9
Wimbledon e Engelane, ke lebala la kgale le tummeng, le nang le jwang ba tenese moo ho tshwarelwang ditlhodisano tsa selemo le selemo.
-
Ka selemo sa 2018, Kgothatso ile ya eba moAfika Borwa wa pele wa mosadi ho fihla pheletsong ya tlhodisano Wimbledon.
10
Kgothatso o ne a tshwanetse ho nka leeto ho ya thonamenteng ya Wimbledon.
-
Feela ho ne ho sena tjhelete ya ho mo lefella sefofane le bodulo.
-
Kgothatso o ne a tshwenyehile a nahana hore ha a no finyella leetong lena ka baka la kgaello ya tjhelete.
-
Ka lehlohonolo, o ile a fumana tshehetso mokgatlong wa dikgwebo wa basadi.
11
Wimbledon e ne e le thonamente ya Grand Slam ya bone ya Khothatso ka 2018.
-
Grand Slam ke tlhodisano tse nne tsa maemo a hodimodimo tsa papadi ya tenese.
-
Ebile sebapadi sa pele sa moAfrika Borwa sa tenese ya setulo sa mabidi, ho kenela ditlhodisano tseo di le nne ka selemong se le seng.
12
Kgothatso ke sebapadi sa maemo a hodimo mona Afrika Borwa le Afrika. Maemo a hae ke a bohlano lefatsheng ka bophara.
-
Katlehong eo ya hae, Kgothatso o thusa le ho tshehetsa dibapadi tse ding tse qhwadileng.
-
O bontsha hore motho a ka fihlella toro e nngwe le enngwe bophelong a ntse a qhwadile.
13

——Dipotso


  1. Kgothatso Montjane ke mang? Hlalosa.
  2. Kgothatso o qadile jwang ho bapala tenese?
  3. Bolela lebitso la sekolo seo Kgothatso a ithutileng motantsho wa Ballroom le wa Latin American?
  4. Kgothatso o ile a kenela ditlhodisano tse nne tsa Grand Slam ka selemo sefe? Hobaneng ha hona ho le bohlokwa?
  5. Na o dumela hore o ka fihlella eng kapa eng le ha o ena le boqhwala? Hlalosa.
  6. Ke diphephetso dife tseo motho a sebedisang setulo sa mabidi a ka teanang le tsona?
  7. Hobaneng o nahana hore mma Kgothatso ha a ka ba a tshwara Kgothatso ka tsela e fapaneng?
  8. Ke ntho di fe tse etsang hore batho ba tshware ba bang ka tsela e fapaneng?
14

——


Pale ena e qapuwe le ho ngolwa ka Setswana, e le karolo ya projeke ya 2021 ya Zenex Ulwazi Lwethu ya dibuka tse balwang.
15
16
Attribution CC BY
Your attribution should include the following:
Title: Kgothatso Montjane naletsana ya tenese
Author/s: Glanice Masilo
Translator/s: Nthabiseng Tsatsi
Illustrator/s: Sibusiso Khumalo
Assurer/s: Mathapelo Morake
Language: Sesotho (South Africa)

© Zenex Foundation - Saide 2025

CC BY includes the following elements:
 BY   – Credit must be given to the creator