UKgothatso Montjane inkosazana yebhola lomphebezo
Glanice Masilo
Sibusiso Khumalo
isiZulu
Read aloud

——


Le ncwajana ixoxa ngoKgothatso Montjane.
-
Wazalwa ngonyaka ka-1986 elokishini laseSeshego elisedolobheni lasePolokwane.
-
Le ntombazanyana yazalwa nokugula okwakhubaza izandla nezinyawo zayo.
-
Nakuba kunjalo, yakhula yaba umdlali wethenisi owaziwayo!
1
Ngenxa yokugula kwakhe, kwadingeka odokotela banqume umlenze wakhe owodwa ngezansi kwedolo. Emva kwalokho wasebenzisa umlenze wokufakelwa.
-
Eseyingane, ezinye izingane zazingafuni ukudlala naye ngenxa yokuthi wayekhubazekile.
-
Umama wakhe akazange amkhulise ngendlela eyehlukile, wakhula enza imisebenzi yasekhaya njengezinye izingane.
2
Umama wakhe wamusa esikoleni sabafundi abakhubazekile iHelen Franz Special Needs School esifundazweni saseLimpopo.
-
Yilapho afika khona wakhombisa amakhono akhe emidlaweni.
-
Kulesi sikole bamfundisa umdanso iBallroom kanye nomdanso obizwa ngeLatin American.
3
Omunye wothisha bakhe wamkhetha ukuba ayomela isikole emidlaweni yethenisi eyayidlalelwa eGoli.
-
UKgothatso wayengakaze alidlale ithenisi!
-
Wathi, “Bekumele ngikwenze ngoba ngafundiswa ukuhlonipha abantu abadala.”
4
UKgothatso wadlala kahle kakhulu kule midlalo. Lokhu kwaba ukuqala kwendlela yakhe eyamfikisa ekubeni umdlali wethenisi owaziwayo emhlabeni wonke kulabo abahamba ngezinqola ezinamasondo.
-
Wathola umnikelo wenqola enamasondo kanye nezidingo zokudlala ithenisi.
-
Wayeseqala ukulungisela ikusasa lakhe lokuba ngomunye wabadlali bethenisi abakhubazekile abavelele eNingizimu Afrika.
5
UKgothatso waqala ukudlala emiqhudelwaneni yethenisi yabahamba ngezinqola ezinamasondo emhlabeni wonke.
-
Wanqoba emiqhudelwaneni eyayiseBelgium naseSwitzerland. Umqhudelwano waseSwitzerland yiwona owawuyimfivilithi yakhe.
-
Lapha eNingizimu Afrika usahlonishwa ngezindondo iminyaka emithathu njengomdlali wesifazane okhubazekile ovelele.
6
Ngonyaka ka-2013 no- 2014, uKgothatso wadlala emiqhudelwaneni yethenisi e-Australia, eFrance naseMelika.
-
Wadlala emidlalweni yabadlala ngabodwa. Waphinde wadlala kwabadlala ngababili abaqhudelana nabanye ababili.
7
UKgothatso waphinde wadlala emidlalweni yabakhubazekile eyaziwa ngeParalympic Games, nokuyimidlalo yama-Olimpiki yabadlali abakhubazekile.
-
Ukuzilolongela le midlalo kwakunzima, kodwa uKgothatso akazange akhathale.
-
Namanje usayingenela imiqhudelwano njengelungu leqembu lamaParalimpiki laseNingizimu Afrika.
8
UKgothatso wayesebenza kanzima ezifundweni zakhe. Wafunda enyuvesi yaseVenda wathola iziqu zeSayensi yemiDlalo nokuNgcebeleka (Recreation and Sports Science).
-
Lapha enyuvesi, umdlalo wethenisi yabahamba ngezinqola ezinamasondo yiwona kuphela owawudlalwa yilabo abakhubazekile.
9
Indawo yaseWimbledon eNgilandi yilapho kudlalelwa khona njalo ngonyaka, umqhudelwano wethenisi owaziwayo nomdala kunayo yonke.
-
Ngonyaka ka-2018, uKgothatso waba ngowesifazane wokuqala oNsundu ukunqoba aze afinyelele kumafayineli eWimbledon.
10
UKgothatso kwakumele ahambe aye eNgilandi ayodlala emqhudelwaneni waseWimbledon.
-
Wayengenayo imali yokuthenga ithikithi lendiza neyokukhokhela indawo yokuhlala.
-
Wayekhathazeke kakhulu ngokuthi ngeke akwazi ukuhamba ngenxa yokwesweleka kwezimali.
-
Ngenhlanhla, wathola usizo kosomabhizinisi besifazane.
11
Umqhudelwano waseWimbledon kwakungumqhudelano weGrand Slam wesine uKgothatso adlala kuwo ngonyaka ka-2018.
-
Imiqhudelwano yethenisi emine ebalulekile okudlala kuyo abadlali bomhlaba wonke ibizwa ngokuthi amaGrand Slam.
-
Waba ngumdlali wokuqala e-Afrika kulabo abahamba ngezinqola ezinamasondo ukudlala emiqhudelwaneni yamaGrand Slam emine ngonyaka owodwa.
12
UKgothatso ungumdlali ovelele eNingizimu Afrika nase Afrika kulabo abahamba ngezinqola ezinamasondo. Ungomunye wabadlali bethenisi abahlanu abaphambili emhlabeni wonke jikelele!
-
Ngaphezu kwempumelelo yakhe, uKgothatso ubuye asize ukuxhasa abanye abadlali abakhubazekile.
-
Uyisibonelo sokuthi, noma ukhubazekile, ungaba yinoma yini ofuna ukuba yiyona.
13

——Imibuzo


  1. Ngabe ungubani uKgothatso Montjane? Chaza.
  2. Waqala kanjani uKgothatso ukudlala ithenisi?
  3. Yini igama lesikole uKgothatso afunda kuso umdanso weBallroom noweLatin American?
  4. Yimuphi unyaka uKgothatso adlala ngawo imiqhudelwano emine yamaGrand Slam? Ngabe kubaluleke ngani lokhu?
14

——


Le ndaba ibhalwe ngolimi lweSetswana njengenye yezinsiza zokufunda zeprojekthi yeZenex Ulwazi Lethu ezibhalwe ngo-2021.
15
16
Attribution CC BY
Your attribution should include the following:
Title: UKgothatso Montjane inkosazana yebhola lomphebezo
Author/s: Glanice Masilo
Translator/s: Zanele Zuma
Illustrator/s: Sibusiso Khumalo
Assurer/s: Zanele Ndlovu
Language: isiZulu

© Zenex Foundation - Saide 2024

CC BY includes the following elements:
 BY   – Credit must be given to the creator