Khale ka khaleni, a ku tshama N’wachela enambyeni wa Holofani.Siku rin’wana, loko N’wachela a ha khida empfuleni, a sungula ku khomiwa hi ndlala.Ivi a lemuka ntlawa wa tinhongana kwala kusuhi.

“Ndzi ta tata khwiri ra mina hi tinhongana,” ku ehleketa N’wachela.Loko mpfula yi xa, a huma enambyeni a tlulela eka tinhongana.

Hi nkarhi wolowo, N’warimpfana a humelela kwala mahlweni ka N’wachela.“Leyi i ndhawu ya mina na swakudya swa mina!” ku vula N’warimpfani hi ku tikisa.N’warimpfani a sungula ku cinca muhlovo hi ku hlundzuka.

N’wachela a tlulela le kule hilaha a nga kotaka hakona.U nyonyovela enhoveni ku ringeta ku hlula ku hlamala loku vangiweke hi N’warimpfana.

N’wamhungubye. A ri ku hiseni ka nhova.N’wachela a a chava ndzilo swinene!

N’wachela a tlula a ya tumbela ehansi ka makamba.Matluka ya nhova ya n’wi tumbeta, kambe a ha twa ndzilo hinkwakonkwako.

N’wachela a tipfala mahlo hi ku chava. A tlulela ehenhla na ku ya kule ku ya hilaha a nga kotaka hakona.A dlomutela, a vuyela endzeni ka nambu.

N’wachela a vona N’wamfutsu a tiwiserile eka rhavi. A khida ri kongoma N’wamfutsu.“Xewani, siku ra wena a ri ri njhani?” ku vutisa N’wamfutsu.“A ri horile,” ku n’wayitela N’wachela.