Kalekale ho vha hu na Tshiḓula tshine tsha dzula Mulamboni wa Olifants.Ḽiṅwe ḓuvha musi Tshiḓula tshi tshi khou tala mvulani, tsha thoma u korolwa nga nḓala.Tsha vhona guma ḽa thunzi henefho tsini.

Tshiḓula tsha humbula tsha ri, “Ndi ḓo ḽa hedzi thunzi nda ḓadza thumbu ngadzo.”Musi mvula i tshi pfula, tsha thamutshela nnḓa ha mulambo tsha livha thunzini.

Nga u ṱavhanya ha bvelela Luaviavi phanḓa ha Tshiḓula.Luaviavi lwa amba nga vhuhali lwa ri, “Hafha ndi hanga. Ndi zwiḽiwa zwanga hezwi!”Luaviavi lwa thoma u shanduka muvhala nga nṱhani ha u sinyuwa.

Tshiḓula tsha thamutshela hune tsha nga swika hone.Tsha dzumbama tshiṱakani, tshi tshi lingedza u dzika nge tsha tshuwiswa nga Luaviavi.

Musi Tshiḓula tshi tshi khou lingedza u dzika, ha mbo bvelela Phele. Yo vha i tshi khou fhisa maḓaka.Tshiḓula tsho tshuwiswa nga mulilo!

Tshiḓula tsha thamutshela mavuni tsha dzumbama nga fhasi ha maṱari mahulwane.Maṱari o kona u tshi dzumba, fhedzi tsho vha tshi tshi khou pfa uri tsho tangwa nga mulilo.

Tshiḓula tsha thivha maṱo. Tsha fhufhela nṱha nga maanḓa atsho oṱhe.Tsha wela maḓini, tsha vhuyelela mulamboni.

Tshiḓula tsha vhona Tshibode tsho ḓiawetshela nṱha ha tavhi. Tsha tala tsha ya kha Tshibode.Tshibode tsha vhudzisa, “Ndaa! wo ṱwa hani?”Tshiḓula tsha mwemwela tsha ri, “Ho vha hu si na dinani.”