Bogologolotala, go ne go dula segwagwa mo nokeng ya Olifants.Ka letsatsi lengwe fa Segwagwa a thuma mo puleng, a simolola go tshwarwa ke tlala.A bona motshitshi wa dintsi gaufinyana.

“Ke tla tlatsa mpa ya me ka dintsi,” Segwagwa sa nagana.Fa pula e emisa go na, sa tlolela kwa ntle ga noka go ela ntlheng ya dintsi.

Ka bonako, Leobu la tlhagelela fa pele ga Segwagwa.“Le ke lefelo la me le dijo tsa me!” ga bua Leobu ka kgalefo.Leobu la simolola go fetola mmala ka bogale.

Segwagwa sa tlolela kgakajana ka moo go kgonegang ka teng.Sa kotama mo sekgweng, go leka go ntsha letshogo le le dirilweng ke Leobu.

Fa Segwagwa se ntse se leka go ikutlwelela, Phiri a tlhagelela. O ne a tshuba sekgwa.Segwagwa se ne se tshaba molelo!

Segwagwa se ne sa tlolela fa fatshe mme sa iphitlha ka fa tlase ga matlhare a magolo.Matlhare a a sephara ao a ne a se khurumetsa, mme sa nna sa utlwa molelo gotlhe.

Ka letshogo Segwagwa sa ikhurumetsa matlho. Sa tlolela kwa godimo ka moo se ka kgonang ka teng.Sa thobuela mo nokeng gape.

Segwagwa sa bona Lekakaiye, le iketlile mo lekaleng. Sa thumela ntlheng ya Lekakaiye.“Dumela, letsatsi la gago le ne le le jang?” ga botsa Lekakaiye.“Le ne le didimetse,” Segwagwa sa nyenya.