Lilanga Lekubuyisana
Refilwe Ramagoshi
Tebogo Matshana
Siswati
Longer paragraphs

——


ENingizimu Afrika, Lilanga Lekubuyisana liholide lesive leliba khona ngemhlaka 16 Ingongoni.
-
Lencwadzi imayelana neLilanga Lekubuyisana.
-
Utawufundza ngemlandvo walo, nekutsi yini leyenta libaluleke.
1
Mkhulu ubukela ithelevishini ekhaya ngeLilanga Lekubuyisana.
-
“Mkhulu, yini uMkhonto weSizwe? Futsi liyini Lilanga Lekubuyisana?” kubuta Puseletso.
-
“Ubuta imibuto leminyenti kakhulu ngesikhatsi sinye. Lalela, mine ngitakufundzisa!” kusho mkhulu.
2
“UMkhonto weSizwe bekungumbutfo wemphi we-ANC. Bewulwa nahulumende welubandlululo. Lubandlululo belubacwasa bantfu labamnyama,” kuchaza mkhulu.
-
“Lamuhla bantfu bajabulile njengobe kulilanga lekucolelana nekubuyisana,” uyasho.
3
“Usakhumbula ngalesikhatsi kuphela liviki ungamkhulumisi Dikeledi?” kubuta mkhulu.
-
Puseletso wavuma ngenhloko.
-
“Kodvwa kancane kancane naphindze naba bangani?” Puseletso uphindze uvuma ngenhloko.
-
“Nguloko-ke kucolelana nekubuyisana,” kumoyitela mkhulu.
4
“Umhlaka 16 Ingongoni lilalnga lekucolelana nekubuyisana,” kuchubeka mkhulu.
-
“Lelilanga linemlandvo lomudze. Indzaba yalo yacala emphini leyenteka kadzeni, ngemhlaka 16, Ingongoni 1838.”
5
“Kadzeni ngalelolanga, emabutfo EmaZulu eNkhosi Dingane kanye nema-Voortrekkers balwa imphi lenkhulu edvute neMfula iNcome.”
-
“Ngubani lowancoba?” kubuta Puseletso.
6
Mkhulu waphendvula, “Ema-Voortrekkers ancoba. Sikhatsi lesidze, bekagubha kuncoba kwawo ngemhlaka 16 Ingongoni. Bekalibita ngekutsi Lilanga Lekwenta Sifungo.
7
Kwatsi-ke nga-1962 ngemhlaka 16 Ingongoni, kwakhiwa licembu leMkhonto weSizwe.
-
Bekungemasotja e-ANC labelungele kulwa nahulumende welubandlululo.s
8
“Mkhulu, yini leyabangela kutsi uMkhonto weSizwe ufune kulwa ngemuva kweminyaka leminyenti kukhona lubandlululo?” kubuta Puseletso.
-
“Kunetizatfu letinyentana. Intfo leyenteka ngesikhatsi kunemshuco wekuphikisana nekusebenta kwabo Dompas kungulesinye setizatfu letiyinhloko,” kusho mkhulu.
-
“Uyini Dompas?” kubuta Puseletso.
9
Mkhulu uyaphendvula, “Dompas lipasi lakadzeni. Bonkhe bantfu labamnyama bebaphocelelwa kutsi baliphatse lelipasi.”
-
“Nga-1960, ngesikhatsi kunemshuco wekuthula wekuphikisana nekuphatfwa kwalamapasi, emaphoyisa ahlasela bantfu labebashuca. Emaphoyisa elubandlululo abulala futsi alimata bantfu, eSharpeville eGoli.”
10
“Kungevani kwakadzeni kwabangela kutsi kube khona kwehlukana emkhatsini webantfu Labamnyama nebantfu Labamhlophe,” kusho mkhulu advonsa umoya.
-
“Bungani bakhiwa kuphela nakuneliciniso. Kufanele kwatiwe loko lokwenteka emkhatsini webantfu Labamnyama nebantfu Labamhlophe ngenca yelubandlululo,” asho.
11
“Kumelula yini kucolelana ngemuva kwekulwa kangaka?” kubuta Puseletso.
-
“Cha! Akulula. Kodvwa kuze kuchutjekwe nekuphila, kubalulekile kutsi bantfu bacolelane futsi babuyisane,” kuphendvula mkhulu.
-
“Kubuyisana akusheshi. Kubuyisana kutsatsa sikhatsi lesidze,” uyengeta.
12
“Nangabe umuntfu ente liphutsa, kufanele akhulume liciniso bese acolisa kumuntfu lasuke amphatse kabi. Ngemuva kwaloko, bangacala kulungisa buhlobo babo,” kuchaza mkhulu.
-
“Ulalele kahle kakhulu. Asibukele intfo lofuna kuyibukela kuthelevishini!” kumoyitela mkhulu.
13

——Imibuto


  1. Ligujwa nini Lilanga Lekubuyisana? Yini lelenta libe liholide lesive?
  2. Bekubobani uMkhonto weSizwe?
  3. Bekubobani ema-Voortrekkers?
  4. Beluyini lubandlululo?
  5. Ngemavi akho, chaza kutsi kusho kutsini ‘kubuyisana.’
  6. Bantfu bangakwenta kanjani kubuyisana?
14

——Tincwadzi letikuloluchungechunge


  • Lilanga Lekubuyisana
  • Lilanga Lenkhululeko
  • Lilanga Lemagugu
  • Lilanga Lemalungelo Eluntfu
  • Lilanga Labomake
  • Lilanga Letisebenti
  • Lilanga Lalabasha
15

——


Lencwadzi yetindzaba yentiwa futsi yabhalwa ngeSetswana, njengencenye yephrojekthi yetintfo tekufundza te-Zenex Ulwazi Lwethu ya-2020.
16
Attribution CC BY
Your attribution should include the following:
Title: Lilanga Lekubuyisana
Author/s: Refilwe Ramagoshi
Translator/s: Simangele Khoza
Illustrator/s: Tebogo Matshana
Assurer/s: Mduduzi Benjie Shongwe
Language: Siswati

© Zenex Foundation - Saide 2024

CC BY includes the following elements:
 BY   – Credit must be given to the creator