Yebo le batsadi ba gagwe ba nna kwa sekgweng. Mo go yona kgaolo e, go nna dimo, Zim-zim. Zim-zim o ne a itsege ka go ja bana.

Sikwebu, rraagwe Yebo e ne e le motsomi. Fa a boela gae, o abitsa, “Yebo! Yebo! Tlaa o kopane le nna ngwanake.”Yebo o tlaa re go mmaagwe, “Rre wa mpitsa, Ke tshwanetse go ya go kopana le ena.”Zim-zim a bona tsotlhe tse.

Zim-zim o leka go etsisa Sikwebu, “Yebo! Tlaa o kopane le nna ngwanake.”O ne a itse gore ga a utlwale go tshwana le Sikwebu.“Nka fetola jang lentswe la me?” o maketse.

Zim-zim a kopa thuso kwa moloing.“Nka fetola jang lentswe la me go nna la setho?” a botsa.“Gotetsa motshe go fitlhelela o fisa o nna mohibidu, mme o o metse otlhe,” moloi a mo gakolola.

Zim-zim a boela gae a meditse motshe o bolelo.Jaanong a simolola go bitsa, “Yebo! Yebo! Tlaa o kopane le nna ngwanake.”Nyaa! Lentswe la gagwe le ne le sa tshwane le la ga Sikwebu. Le ne le tibile lele boteng.

Zim-zim yo o sa itumelang a boela kwa moloing.“Ke ka dirang go nna le lentswe le lennye la setho?” a botsa.“Mo nakong e, gotetsa motshe bosigo botlhe mme mo mosong, o metse gotlhe,” ga araba moloi.

Morago ga go dira jaaka a laetswe, Zim-zim a boela a bitsa, “Yebo! Yebo! Tlaa o kopane le nna ngwanake.”Lentswe la gagwe le ne tshwana sentle le la ga Sikwebu.Yebo a tabogela kwa ntle.Fela e ne e se rraagwe.

Yebo a lemoga phoso ya gagwe go setse go le thari!O lekile go tabogela kwa morago, fela Zim-zim a mo tshwara bonolo.O ne a tshwere Yebo jaaka logong mme a tsena ka ena mo sekgweng se se boteng.

Ka bonako, Sikwebu a fitlha kwa gae mme a bitsa, “Yebo! Yebo! Tlaa o kopane le nna ngwanake.”Fela Yebo ga a ka a tlhagelela. Mmaagwe a araba, “O setse o mmiditse.”Ba lemoga gore ngwana wa bona o tshotswe ke Zim-zim.

Sikwebu a tsaya thobane ya gagwe ya go tsoma a ya kwa sekgweng. Go ya go batla morwae.Go tswa mo bokgakaleng, o ne a bona Zim-zim a tshwerwe ke boroko mo leribeng la noka. O ne a dutse le kgetse e kgolo fa thoko le ena.

Sikwebu a ngwangwaelela kwa go Zim-zim. Fa a le fa gaufi, a tsholetsa thobane e telele ya gagwe a betsa Zim-zim.Zim-zim a tlola a tlhakatlhakane go tswa mo borokong a tshaba.Sikwebu a bofolola kgetse mme a ntsha morwae.

Sikwebu a atlarela morwae, a itumeletse go kopana le ena gape. Yebo o ne a itumeletse go bona rraagwe.Ba ne ba lebala ka ga Zim-zim mme ba boela gae.