A ku ri na nhwanyana, loyi a va ku i Maṱodzi.Maṱodzi a tshama emugangeni na mhani na kokwana wa yena.

Siku rin’wana mana wa Maṱodzi a kombela Maṱodzi ku fambisa hungu eka kokwana wa yena emugangeni wun’wana.“U landzelela patu leri hi toloveleke ku famba ha rona,” mana wa yena a n’wi tsundzuxa.

Maṱodzi a landzelela patu ra ntolovelo ku ya emutini wa hahani wa yena ku fikisa hungu.Loko a ri endleleni a tlhelela ekaya, u twile xiritwana ekusuhi xi ku, “Ndzi komela ku pfuniwa.”

Maṱodzi a halahala kutani a vona wansati a etlele etlhelo ka patu.U xewetile wansati loyi, kutani a vutisa, “Hikwalaho ka yini u etlela laha?”

“A ndzi na matimba naswona ndza vabya, ndzi le kule swinene na le kaya.”Maṱodzi a n’wi twela vusiwana.

“Ndzi ta famba na wena ekaya ka mina hikuva I kusuhi,” ku vula Maṱodzi a byela wansati.Maṱodzi u pfunetile wansati ku tlakuka. Va fambile hi ku nonoka swinene va kondza va ya fika.

Maṱodzi, mhani wa yena na kokwana va hlayisile wansati loyi a kondza rihanyo ra yena ri antswa.

Wansati u khensile swinene ku va va n’wi hlayisile.U ndhundhuzerile Maṱodzi ku va a vile na xivindzi no n’wi twela vusiwana.

Wansati a ku eka Maṱodzi na ndyangu wa yena, “Ndzi nga ka ndzi nga rivali leswi mi ndzi endleleke swona.”Endzhaku ka loko ku ta va ku hundzile masiku manharhu, ndzi lava leswaku mi vula swilo swimbirhi leswi mi swi navelaka.”

Endzhaku ka masiku manharhu, Maṱodzi, mana wa yena na kokwana wa yena va vurile ku navela ka vona.Ku navela ka vona ko sungula a ku ri ku va na yindlu yo saseka.

Ku navela ka vumbirhi, a ku ri ku va na nhova etlhelo ka muti wa vona, leswaku va nga ha fambi va lava tihunyi.Ku navela ka vona ku endlekile hi laha wansati a nga vula ha kona.

Maṱodzi na ndyangu wa yena va tshamile hi ku tsaka endlwini ya vona yo saseka etlhelo ka nhova.