Kwake kwabakhona intfombatane lelibito layo bekunguMaṱodzi.Maṱodzi bekahlala ekhaya namake wakhe kanye nagogo wakhe.

Ngalelinye lilanga make waMaṱodzi wacela kutsi akamhambisele umlayeto ku-anti wakhe labehlala kulelinye lidolobhanyana lasemakhaya.“Ubohamba ngendlela lesivame kuyisebentisa,” make wakhe akhumbuta Maṱodzi.

Maṱodzi wahamba ngendlela levamile wadzimate wayofika ekhaya ka-anti wakhe, futsi wamniketa umlayeto.Endleleni ngesikhatsi asabuyela ekhaya, weva livi lelihoshotelako eceleni kwakhe litsi, “Ngicela ungisite.”

Maṱodzi wacalata eceleni kwakhe wase ubona lomunye make alele eceleni kwendlela.Wabingelela lomake wase uyambuta, “Ulaleleni lapha?”

Lomake waphendvula, “Ngibutsakatsaka futsi ngiyagula, kantsi ngisekudzeni kakhulu nelikhaya lami.”Maṱodzi waba nekumvela buhlungu lomake.

Watjela lomake, “Ngitakutsatsa ngiye nawe ekhaya kitsi ngobe khona kusedvute.”Maṱodzi wasita umake kutsi asukume. Bahamba ngekunyonyoba lokukhulu badzimate bayofika ekhaya.

Maṱodzi namake wakhe kanye nagogo bamnakekela lomake wadzimate wabancono.

Lomake wababonga kakhulu ngekutsi bamnakekele.Wabonga Maṱodzi ngekuba ngumuntfu lonesibindzi nalonakekelanako.

Lomake watsi kuMaṱodzi kanye nemndeni wakhe, “Ngete ngakukhohlwa leningente kona.Ngemuva kwemalanga lamatsatfu, ngifuna kutsi nisho tifiso tenu letimbili.”

Ngemuva kwemalanga lamatsatfu, Maṱodzi namake wakhe kanye nagogo basho tifiso tabo letimbili.Sifiso sekucala kwaba kutsi babe nendlu lenhle.

Sifiso sesibili kwaba kutsi babe nelihlatsi eceleni kwendlu kute kungabodzingeka kutsi baye kuyotfota tinkhuni ekudzeni.Totimbili tifiso tabo tafezeka, njengobe nje lomake bekashito.

Maṱodzi nemndeni wakubo baphila ngekujabula endlini yabo lenhle lebeyiseceleni kwelihlatsi.