Go kile ga bo go le mosetsana a bidiwa Maṱodzi.Maṱodzi o ne a nna le mmaagwe le kokoagwe mo motseng.

Letsatsi lengwe mmaagwe Maṱodzi a mo kopa go isa molaetsa kwa go mmangwaneagwe kwa motseng o mongwe.“Latela tsela e re e tlwaetseng, “mmaagwe a gakolola Maṱodzi.

Maṱodzi a latela tsela e e tlwaelegileng go ya kwa ntlong ya ga mmangwaneagwe, mme a fitlhisa molaetsa.Fa a le mo tseleng go ya gae, a utlwa lentswe le le kwa tlase gaufi le re, “Ke kopa o nthuse.”

Maṱodzi a lebelela ka fa le ka fa mme a bona mosadi a rapaletse fa thoko ga tsela.O ne a dumedisa mosadi mme a botsa, “Ke goreng o rapaletse fa?”

Mosadi a fetola, “Ke bokoa e bile ke a lwala, ke kgakala le legae la me.”Maṱodzi a utlwela mosadi botlhoko.

O ne a re go mosadi, “Ke tla go tseela kwa legaeng la me ka bogaufi.”Maṱodzi a thusa mosadi go emelela. Ba tsamaya ka iketlo go fitlha ba goroga.

Maṱodzi le mmaagwe le kokoagwe ba mo tlhokomela go fitlha a tokafala.

Mosadi o ne a ba leboga thata ka go mo tlhokomela.O ne a tlotlomatsa Maṱodzi ka go nna pelokgale le molemo.

Mosadi o ne a bolelela Maṱodzi le balelapa la gagwe a re, “Nka se lebale seo le ntiretseng sona.”Morago ga malatsi a mararo a fetile, ke batla gore le dire dikeletso di le pedi.”

Morago ga malatsi a mararo, Maṱodzi, le mmaagwe le kokoagwe ba dira dikeletso tse pedi.Keletso ya bone ya ntlha e ne e le go nna le ntlo e kgolo.

Keletso ya bobedi e ne e le go nna le sekgwa gaufi le ntlo gore ba se tlhole ba ya go rwalela dikgong.Dikeletso tsa bona tsa diragala, fela jaaka mosadi a boletse.

Maṱodzi le balelapa la gagwe ba tshela ka boitumelo mo ntlong ya bona gaufi le sekgwa.