Kwabe kunomntazana ibizo lakhe kunguMaṱodzi.UMaṱodzi wabe ahlala ethresteni nonina kanye nogogwakhe.

Ngelinye ilanga unina kaMaṱodzi wambawa ukobana ase umlayezo kukghariyakhe ohlala kwelinye ithreste.“Ulandele indlela evane sikhambe ngayo,” kutjho unina akhumbuza uMaṱodzi.

UMaṱodzi walandela indlela ayijayeleko eya kwakghariyakhe, wafika wamtjela umlayezo.Lokha nakabuyela ekhaya, wezwa iphimbo elisibaga eduze lisithi, “Ngibawa ungisize.”

UMaṱodzi wathalaza ngapha nangapha wabona umma alele eqadi kwendlela.Walotjhisa umma lo bewambuza wathi, “Kubayini ulele lapha?”

Umma lo waphendula wathi, “Ngisibaga ngiyagula, begodu ngisese kude khulu nokufika emzini wami.”UMaṱodzi wamzwela khulu umma lo.

Wathi kumma lo, “Ngizakuthatha ngikhambe nawe ekhaya ngombana kuseduze.”UMaṱodzi wasiza umma wamsikimisa. Bakhamba kabuthaka bebayokufika ekhabo.

UMaṱodzi banonina nogogwakhe batlhogomela umma lo bekwafika lapha aba ngcono khona.

Umma lo wabathokoza khulu ngokumtlhogomela kwabo.Wabuka uMaṱodzi ngokuba nesibindi nangomusa anawo.

Umma wathi kuMaṱodzi nomndenakhe, “Angeze ngakulibala lokho eningenzele khona.Ngemva kobana kudlule amalanga amathathu, ngifuna bona nenze iimfiso ezimbili.”

Ngemva kwamalanga amathathu, uMaṱodzi, unina banogogwakhe benza iimfiso zabo ezimbili.Isifiso sabo sokuthoma bafisa ukuba nendlu ehle.

Isifiso sesibili bafisa ukuba nehlathi eduze nendlu ukuze bangakhambi bayokutheza iinkuni.Iimfiso zabo zombili zenzeka, ngendlela umma atjho ngakho.

UMaṱodzi nomndenakhe bahlala kamnandi endlinabo ehle esehlathini.