Khale wa khaleni, swiharhi swa le nhoveni swi heleriwile hi mati.Swi lavile hinkwako kambe a swi kumangi nchumu.

Swi hlanganile ku kuma xitshunxo eka xiphiqo xa swona. Swiharhi hinkwaswo swi tile ehlangeletanini, handle ka Mhungubye.Mhungubye yi ku, “Xana ndzi nga ya ehlengeletanini na swibodze swo nun’hwa?”Leswi swi hlundzukise swiharhi leswin’wana.

Ehlengeletanini, swiharhi swi pfumelelanile ku handza xihlovo.Murhangeri Mhuti yi ku, “Xihlovo xa hina xi ta enta na ku anama. Loko xi tele, a hi nga kayiveli mati.”

Swi yimbelerile na ku cina loko swi ri karhi swi cincana ku handza xihlovo.Emahetelweni, mati ma baleka ehansi ka misava na ku tata xihlovo.A swi tsakile swinene. A swi nga si tshama va nantswa mati mo tsokombela na ku tenga ku fana na wona.

Kutani siku rin’wana swiharhi swi lemuke leswaku ku na loyi a thyakisaka mati.Swi cincanile ku ya rindza xihlovo.

Loko Mpfundla wu ri eku tirheni ku rindza xihlovo, Mhungubye yi tile na ntambhu yo tlula hi yona.“Xana u endla yini kwalaho?” ku vutisa Mhungubye.“Ndzi rindza mati,” ku hlamula Mpfundla.

Mhungubye yi kombele Mpfundla ku ri va huhwa swin’we.Va tekile nkarhi va ri karhi va phikizana.Ntlangu a wu katsa ku ri mutlangi a pfala mahlo, a bohiwa hi ntambhu, ku hlayiwa ku fika ka xigidi kutani a pfula mahlo.Mpfundla wu pfumerile.

Mpfundla wu bohile Mhungubye, leyi a yi hlayela kufika eka xigidi. Mpfundla wu n’wi chucha.Kutani, Mhungubye yi bohile Mpfundla, lowu nga pfala mahlo wu sungula ku hlayela.Mhungubye yi nwile mati, na ku hlambela.Endzhaku ka sweswo, Mhungubye yi kile mati yi famba.

Mpfundla wu hetile ku hlayela kufika eka xigidi Kutani wu pfula mahlo.Mhungubye a yi nyamalarile.Mpfundla wu huwelerile eka swiharhi leswin’wana ku ta swi ta wu tshunxa.

Swiharhi swi yile emahlweni swi cincana ku rindza xihlovo, kambe hinkwaswo swi tsandzekile ku khoma Mhungubye.Xibodze xi ku, “Mina ndzi ta rindza.”“Xibodze a hi xiharhi lexi nga tlhariha kumbe ku kota ku tsutsuma eka swiharhi leswin’wana,” ku anakanya leswin’wana.Xibodze xi nghenile endzeni ka xihlovo xi yimela Mhungubye.

Loko Mhungubye yi fika, yi anakanya, “A ku na swiharhi laha!”Loko yi ri karhi a nwa, yi twile ku lumiwa enhompfini. Kutani, yi kokeriwa endzeni ka mati!Mhungubye yi ringetile ku nyumbhula, kambe Xibodze a xi khomelerile. “Tanana, ndzi n’wi khomile!” ku huwelela Xibodze.

Swiharhi swi tile swi ta bohelela Mhungubye.Xibodze xi ku ka Mhungubye, “U hi hoxerile hinkwerhu. U ta rihisiwa hi ku hlatswa min’wana ya hina.”Swiharhi hinkwaswo swi ndunduzerile Xibodze tanihi nghwazi.Kusukela siku rero, swi tiphinile hi ku nwa mati lama baseke ku ri hava ku kanganyisiwa.