Nga ṅwaha wa mmbo na tsikidzi, phukha dza ḓaka dzo mbo ḓi fhelelwa nga maḓi.Dza sedza hoṱhe fhedzi dza sa wane tshithu.

Dza kuvhangana uri dzi wane tshipiringululi tsha thaidzo dzadzo. Phukha dzoṱhe dza ḓa muṱanganoni, nga nnḓa ha Phunguhwe.Phunguhwe ya ri, “Ndi nga ya hani muṱanganoni na zwibode zwi nukhaho?”Hezwi zwa sinyusa dziṅwe phukha.

Muṱanganoni, phukha dza tendelana uri dzi ḓo bwa tshisima.Phala, murangaphanḓa ya ri, “Tshisima tshashu tshi ḓo tsela fhasi fhasi nahone tsha aṱama. Musi tshi tshi ḓala, ri nga si fhelelwe nga maḓi.”

Dzo vha dzi tshi khou imba na u tshina musi dzi tshi khou sielisana u bwa tshisima.Mafheleloni, maḓi a phula nahone tshisima tsha ḓala maḓi.Dzo vha dzo takala nga maanḓa. Dzo vha dzi sa athu nwa maḓi a ḓifhelelaho na o kunaho u fana na haya.

Ḽiṅwe ḓuvha, phukha dza vhona uri hu na muthu ane a khou tshikafhadza maḓi adzo.Dza sielisana u linda tshisima.

Musi Muvhuḓa wo linda tshisima, Phunguhwe ya ḓa na thambo yayo ine ya fhufha ngayo.“Ni khou ita mini hafha?” hu vhudzisa Phunguhwe.“Ndi khou linda maḓi ashu,” hu fhindula Muvhuḓa.

Phunguhwe ya humbela Muvhuḓa uri u tambe nayo.Vha sielisana musi vha tshi khou vhofhana.Mutambo wo vha u tshi katela uri mutambi a bonye maṱo musi a tshi khou vhofhiwa nga thambo, a vhale u swika kha tshigidi, nga murahu a vule maṱo awe. Muvhuḓa wa tenda.

Muvhuḓa wa vhofha Phunguhwe ya thoma u vhala u swika kha tshigidi. Muvhuḓa wa i vhofholola.Nga murahu, Phunguhwe ya vhofha Muvhuḓa, wa vala maṱo, wa thoma u vhala.Phunguhwe ya nwa maḓi a tshisima na u bambela. Nga murahu, Phunguhwe ya ka maḓi ya ṱuwa.

Muvhuḓa wa fhedza u vhala nahone musi u tshi vula maṱo.Phunguhwe yo vha i siho.Muvhuḓa wa vhidzelela dziṅwe phuka uri dzi ḓe dzi u vhofholole.

Phukha dzoṱhe dza bvela phanḓa dzi tshi sielisana u linda tshisima, fhedzi dzoṱhe dza balelwa u fara Phunguhwe.Tshibode tsha ri, “Irini ndi linde.” Zwiṅwe zwipuka zwa humbula uri, “Tshibode a si phukha yo thanyaho kana yo no kona u gidima.”Tshibode tsha ṋupela tshisimani uri tshi lindele Phunguhwe.

Musi Phunguhwe i tshi swika, ya humbula uri, “A huna muthu o lindaho hafha!”Musi i tshi nwa, ya pfa i tshi lumiwa kha ningo. Nga murahu ya kokodzelwa ngomu maḓini!Phunguhwe yo lingedza u shavha, fhedzi tshibode tsha tou farelela. “Iḓani, ndo mu fara!” Tshibode tsha huwelela.

Phukha dza ḓa dza vhofha Phunguhwe. Tshibode tsha amba na Phunguhwe, “Wo ri khakhela roṱhe. Tshigwevho tshau ndi u ṱanzwa ṋayo dzashu.”Phukha dzoṱhe dza renda Tshibode sa muhali wadzo.U bva nga ḽeneḽo ḓuvha, phukha dzo takalela u nwa maḓi o kunaho hu si na dinani.