Kgalekgale, diphoofolo tse hlaha di ile tsa fellwa ke metsi.Di ile tsa sheba hohle empa tsa seke tsa fumana letho.

Di ile tsa etsa kopano ho fumana tharollo ya bothata bona. Diphoofolo tsohle di ile tsa tla kopanong ntle le Phokojwe.Phokojwe a re, “Nka ya kopanong jwang le dikolopata tse nkgang?”Hona hwa halefisa diphoofolo tse ding.

Kopanong diphoofolo tsa dumellana ka ho tjheka sediba.Moetaple Nyamatsane a re, “Sediba sa rona se tla teba mme se be sephara. Ha se tletse, re ke ke ra fellwa ke metsi hape.”

Tsa bina tsa tjeka ha di ntse di fana sebaka sa ho tjheka sediba.Qetellong, metsi a tswa mobung o tlasa sediba.Diphoofolo di ne di thabile haholo. Di ne di qala ho latswa metsi a monate hakalo.

Ka tsatsi le leng, diphoofolo tsa lemoha hore ho na le e mong ya ntseng a silafatsa metsi a tsona.Tsa tjhentjhana ka ho lebella sediba.

Ka letsatsi la Mmutlanyana la ho lebela sediba, Phokojwe a tla ka kgwele ya hae ya kgati.“O etsang mona?” ho botsa Phokojwe.“Ke lebetse metsi a rona,” ho araba Mmutlanyana.

Phokojwe a kopa Mmutlanyana ho bapale le yena.Ba tjhentjhana ka ho tlamana.Papading ena, sebapadi se ne se lokela ho kwala mahlo, se tlangwe ka thapo mme se bale ho fihla seketeng e be se bula mahlo.Mmutlanyana a dumela.

Mmutlanyana a tlama Phokojwe, yaba Phokojwe o bala ho fihla seketeng. Mmutlanyana a mo tlamolla.Yaba Phokojwe o tlama Mmutlayana ya ileng a kwala mahlo a qala ho bala.Phokojwe a nwa metsi sedibeng a ba a sesa.Kamora moo, Phokojwe a kga metsi a tsamaya.

Mmutlanyana a qeta ho bala, a bula mahlo.Phokojwe o ne a le siko.Mmutlanyana a hweletsa diphoofolo tse ding hore di tlo mo tlamolla.

Diphoofolo tsa tswela pele ka ho tjhentjhana ho lebela sediba, empa ha ho ya ileng ya tshwara Phokojwe.Sekolopata sa re, “Ereng ke lebele sediba.”Diphoofolo tse ding tsa nahana, “Sekolopata ha se phoofolo e bohlale, kapa e lebelo.”Sekolopata a qwela ka metsing a emela Phokojwe.

Ha Phokojwe a fihla a nahana hore, “Ha ho na motho mona!”Ha a ntse a nwa, a utlwa a longwa nkong.Yaba o hulelwa tlasa metsi!Phokojwe a leka ho itshwasolla empa Sekolopata sa tiisa. “Tlong, ke mo tshwere!” sekolopata a hweletsa.

Diphoofolo tsa fihla tsa tlama Phokojwe.Sekolopata sa re ho Phokojwe, “O re sitetse kaofela. Kotlo ya hao ke hore o re hlatswe maoto.”Diphoofolo tsohle tsa rorisa Sekolopata jwaloka mohale wa tsona.Ho tloha tsatsing leo, tsa nwa metsi ha monate di sa kgathatswe ke letho.