Kade ugubudu asadla ubulongwe, iinlwana zommango zaphuma zaphelelwa mamanzi.Zaqala kiyo yoke indawo kodwana akhange ziwathole.

Zabuthana ukobana zithole isisombululo somraro wazo. Zoke iinlwana zakhambela umhlangano, ngaphandle kwakaJakalasi.UJakalasi wathi, “Ngingawukhambela njani mina umhlangano neenkghuru ezinukako?”Lokhu kwasilinga ezinye iinlwana.

Emhlanganweni, iinlwana zavumelana ngokuthi zizakwemba umthombo.Inyamazana, emdosiphambili yathi, “Umthombo wethu uzakutjhinga phasi begodu unabe. Lokha nawuzeleko angeze sisatlhoga amanzi godu.”

Zavuma zagida lokha nazidlhegana ngokwemba umthombo.Ekugcineni, amanzi avinyilika phasi umthombo wazala swi!Bebathabe khulu. Akhange khebanambithe amanzi asudu nahlwengeke njengalawa.

Yeke, ngelinye ilanga, iinlwana zalemuka bona kukhona umuntu obekasilaphaza amanzi wazo.Zadlhegana ngokugada umthombo.

Lokha iNtenetjha nayisemsebenzini igade umthombo, uJakalasi weza aphethe intambo yakhe yokweqa.“Wenza ini lapha?” kubuza uJakalasi.“Ngigade amanzi wethu,” kuphendula iNtenetjha.

UJakalasi wabawa ukudlala neNtenetjha.Badlhegana ngokubophelelana.Umdlalo lo bebawudlala ngokuthi odlalako avale amehlo, abotjhwe ngentambo, abale ukuyokufika ekulungwaneni ngemuva kwalokho avule amehlo.INtenetjha nayo yavuma.

INtenetjha yabopha uJakalasi, owabala bewayokufika ekulungwaneni. INtenetjha yamtjhaphulula.Ngemuva kwalokho, uJakalasi wabophelela iNtenetjha, eyavala amehlo wayo beyathoma ukubala.UJakalasi wasela amanzi ngemthonjeni nakaqedako waduda.Ngemuva kwalokho, uJakalasi wathatha amanye godu amanzi wakhamba.

INtenetjha yabala beyafika kukulungwana bese yavula amehlo.UJakalasi bekangasekho ndawo.INtenetjha yarhuwelela ibiza ezinye iinlwana ukobana zizoyitjhaphulula.

Iinlwana zaragela phambili nokudlhegana ngokugada umthombo, kodwana zoke njalo zabhalelwa kumbamba uJakalasi.IKghuru yathi, “Mina anginande ngiqala.”“IKghuru isilwana esingakahlakaniphi khulu begodu esinganabelo,” kucabanga ezinye iinlwana.IKghuru yatjuza yangena ngaphakathi komthombo yalinda uJakalasi.

Lokha uJakalasi nakafikako, wazitjela wathi, “Wu! Akunamuntu lapha!”Lokha nakasaselako, wezwa ngento imluma epumulweni, Ngemuva kwalokho yamdosela ngaphakathi kwamanzi!UJakalasi wathi uyararhararha, kodwana iKghuru yambamba ngobhongwana. “Izani nangu ngimbambile!” kurhuwelela iKghuru.

Iinlwana zeza zoke zafika zatjhaphulula uJakalasi. IKghuru yathi, “Usone soke lapha. Yazi-ke, isijeziso sakho kusihlambisa iinyawo.”Iinlwana zoke zabuka iKghuru zathi uyikutani yazo.Ukusukela mhlokho, zathabela ukusela emanzini ahlanzekileko ngaphandle kokuphazanyiswa.