Kalekale ho vha hu na muvhundu ngei Limpopo une wa pfi Ga-Molapo, u tshi vhuswa nga khosi Vho Sello Kekana.Wo vha u muvhundu muṱuku lwe vhadzulapo vhawo vhoṱhe vha vha vha tshi ḓivhana. Nnḓu dzavho dzo vha dzo fhaṱwa nga mavu dza fulelwa nga hatsi.

Vho Malatji na Mufumakadzi wavho vho vha vha tshi dzula muvhunduni wonoyo.Ḓuvha na ḓuvha Vho Malatji vho vha vha tshi reḓa khuni dza u vhasa mulilo ngeno Mufumakadzi wavho vha tshi ka maḓi mulamboni.Ḓuvha na ḓuvha vho vha vha tshi ṱaṱisana nga mishumo yavho.

“Ndo neta nga u reḓa khuni,” Vho Malatji vha tshi amba.Mufumakadzi wavho a ri, “Na nṋe ndo neta nga u ka maḓi.”Vho Malatji vha hambekanya vha ri, “A thi tsha ḓo reḓa khuni!” Vha laṱela fhasi khuni vha bva nḓuni.

Nga tshenetsho tshifhinga ha vha na mulilo muvhunduni wa fhisa miḓi minzhi, miṱa ya sala i si na mahaya.Mulilo wo thoma muḓini wa Vho Malatji wa pfukela kha miṅwe miḓi.

Mufumakadzi wa Vho Malatji vho vha vho sinyuwa nga maanḓa.Vho vha vha tshi khou ṱavhela munna wavho mukosi uri vha vhuye.Vha lila vha ri, “Kha vha vhuye vha nthuse u fhaṱa nnḓu ntswa.”Vho Malatji vho ḓiṱukufhadza musi vha tshi vhuya.

Vhadzulapo vha Ga-Molapo vha ya musanda.Vha vhudza khosi zwoṱhe zwine zwa khou itea muvhunduni. Vha amba mbilalelo dzavho nga Vho Malatji na Mufumakadzi wavho.

Musi vha ha Malatji vha tshi pfa mbilaelo dza vhathu, vha sinyuwa vhukuma.Vha goda thundu yavho yo salaho vha pfuluwa.

Nga tshenetsho tshifhinga, ha vha na mulilo muhulu ḓakani we wa swika na muvhunduni.Mulilo wa fhisa nnḓu dzi re muvhunduni, wa sia vhathu vhanzhi tshitshavhani vha si na mahaya.

Vhadzulapo vha dovha vha ya musanda.Vhathu vha gungula vha ri, “A ri na zwiḽiwa, maḓi na vhudzulo.”Vha lilela khosi vha ri, “Tshifhinga tshoṱhe musi vha ha Malatji vha tshi ṱhavhana nga maipfi hu vha na mulilo!”

Zwino, khosi Vho Sello Kekana, vha thetshelesa zwililo zwa vhathu.Vha shakulisa Vho Malatji na Mufumakadzi wavho muvhunduni wa Ga-Molapo. Vha vha shakulisa dzinguni ḽa Limpopo.Ri a ḓivhudzisa uri vha ha Malatji vho ya ngafhi.