Kudala, kwakukhona indawo eyayibizwa ngokuthi yiGa-Molapo esifundazweni saseLimpopo. Le ndawo yayibuswa yinkosi uSello Kekana.Yayincane kangangokuthi bonke abantu ababehlala kuyo babazana. Izindlu zabo zazakhiwe ngodaka zifulelwe ngotshani.

UMnumzane noNkosikazi Malatji babehlala lapha.Nsuku zonke uMnumzane Malatji wayehamba ayotheza izinkuni zokubasa. UNkosikazi Malatji yena wayehamba ayokha amanzi emfuleni.Babehlale beqophisana ngemisebenzi okufanele bayenze.

“Sengikhathele ukutheza izinkuni,” kusho uMnumzane Malatji.“Nami ngokunjalo, ngikhathele ukukha amanzi,” kuphendula uNkosikazi Malatji.“Ngeke ngisaya nhlobo ukuyotheza!” kumemeza uMnumzane Malatji. Washo ephonsa phansi izinkuni waphuma wahamba endlini.

Ngalezo zinsuku kwaqala umlilo endaweni, owashiya imindeni eminingi ingasenamakhaya.Umlilo waqala kwaMalatji wenabela kweminye imizi.

UNkosikazi Malatji wayephatheke kabuhlungu.Wayehlale ememeza efuna umyeni wakhe abuye.“Buya uzongelekelela ukwakha indlu entsha!” esho ekhala.UMnumzane Malatji wabuya esezehlisile.

Abahlali bakwa Ga-Molapo bathatha isinqumo sokuya enkosini.Bayitshela konke okwenzeka endaweni. Bethula isikhalazo ngokuziphatha kukaMnumzane noNkosikazi Malatji.

Bathi bangezwa abakwaMalatji ngesikhalazo, bacasuka kakhulu.Bathatha konke okungokwabo okwakusasele bayishiya le ndawo.

Ngaleso sikhathi kwasuka umlilo owashisa amahlathi waze wenabela kuyo yonke indawo.Washisa izindlu washiya izakhamizi eziningi zingenamakhaya.

Izakhamizi zaphindela ukuyoxoxa nenkosi.“Asinakudla, asinamanzi, kanti asinayo nemizi yokuhlala,” kukhalaza abantu.“Kuhlale kuqala imililo uma uMnumzane noNkosikazi Malatji beke baqophisana!” kukhalaza izakhamizi.

Kulokhu, inkosi uSello Kekana wazilalela izikhalazo zabantu.Wabadingisa oMnumzane noNkosikazi Malatji endaweni yakwa Ga-Molapo. Wabadingisa kuso sonke isifundazwe saseLimpopo.Akwaziwa ukuthi balibhekisaphi emva kwalokho?