Eminyakeni eyagqithayo kwiphondo iLimpopo kwakukho ilali encinci ekwakusithiwa yiGa-Molapo, yayilawulwa nguKumkani Sello Kekana.Le lali yayincinci kangangokuba abantu bakhona babesazana. Izindlu zalapho zakhiwa ngodaka zafulelwa ngengca.

UMnu. noNkskz. Malatji babehlala kule lali.Yonke imihla uMnu. Malatji wayesiza neenkuni zokubasa, amanzi ayekhiwa emlanjeni nguNkskz. Malatji.Yonke imihla babephikisana ngemisebenzi ejongene nomntu ngamnye kubo.

“Ndidikiwe kukusoloko nditheza iinkuni,” watsho uMnu. Malatji.“Kanti nam ndikruqukile kukusoloko ndisiza namanzi,” watsho uNkskz. Malatji.“Andizokube ndiphinde ndiyokutheza iinkuni!” wakhalima ngelitshoyo uMnu. Malatji. Wazilahla phantsi iinkuni waphuma endlwini.

Kuthe kusenjalo, kwavumbuluka umlilo kweso sixeko, iintsapho ezininzi zashiyeka zingenamakhaya.Umlilo waqalisa kwindlu yakwaMalatji waza wanwenwela kweminye imizi.

Waxakaniseka kakhulu uNkskz. Malatji.Wayekhalima efuna kubuye umyeni wakhe.“Khawubuye uzokundinceda sakhe indlu entsha!” watsho elila.UMnu. Malatji wabuya noko sele ezithobile.

Abahlali bale lali iGa-Molapo bagqiba ekubeni mabaye kuKumkani.Bamchazela yonke into ebisoloko isenzeka kuloo lali. Babekhalazela uMnu. noNkskz. Malatji.

Bakuxelelwa abakwaMalatji ukuba kukhalazelwa bona, babevutha ngumsindo.Baqokelela yonke impahla yabo bayishiya loo lali.

Kuthe kusenjalo, kwabakho umlilo omkhulu owawunwenwela kuloo lali.Lo mlilo wayitshisa imizi, intlaninge yabantu yasala ingenamakhaya.

Abahlali baphinda baya kubona uKumkani.“Asinakutya, asinamanzi, asinazindawo zokuhlala,” batsho abahlali bekhalaza.“Kusoloko kukho imililo qho xa bephikisana uMnu. noNkskz. Malatji!” batsho belila abemi balapho.

Kwesi isihlandlo uKumkani Sello Kekana wazimamela izikhalazo zabemi.UMnu. noNkskz. Malatji bagxothwa kwilali yase Ga-Molapo bakhutshwa nakwiphondo iLimpopo.Azi ukuba baya phi abakwaMalatji emva koko?