UNomzana noKosikazi Malatji
Kanane Dina Nkoana
Jesse Breytenbach
isiNdebele
First paragraphs
Kade, kwakunedorojana elincani esifundeni seLimpopo elibizwa ngokuthiwa kuseGa-Molepo, lingaphasi kwekosi uSello Kekana.
-
Idorojana leli belilincani khulu, abantu bakhona bebazana boke. Izindlu zabo bezakhiwe ngotjani nedaka.
1
UNomzana noKosikazi Malatji bebahlala edorojaneni leli.
-
Woke malanga uNomzana Malatji bekakhamba ayokutheza iinkuni, bese uKosikazi Malatji yena akhambe ayokukha amanzi emlanjeni.
-
Woke malanga bebaphikisana ngomsebenzi wabo ekufanele bawenze ngamalanga.
2
“Ngidiniwe ukuyokutheza iinkuni,” kutjho uNomzana Malatji.
-
“Iye khona, nami ngidiniwe ukuyokukha amanzi,” kutjho uKosikazi Malatji.
-
“Angeke ngisayokutheza iinkuni ngigcinile!” kurhuwelela uNomzana Malatji. Wathatha iinkuni waziphosela phasi waphuma wakhamba.
3
Kwathi kusesenjalo kwaba nomlilo otjhako kileyondawo, watjhiya imindeni eminengi inganamakhaya.
-
Umlilo wathoma endlini kaNomzana Malatji, walumatha watjhinga kweminye imizi.
4
UKosikazi Malatji wadana khulu.
-
Wamemeza umyenakhe bona abuye.
-
“Buya uzongisiza sizokwakha indlu etja!” watjho akhihla isililo.
-
UNomzana Malatji wabe azithobile lokha nakabuyako.
5
Izakhamuzi zedorojana leGa-Molapo zabona kungcono ziye ekosini.
-
Zafika zayitjela ngakho koke okwenzeke edorojaneni. Zafaka iinghonghoyilo ngoNomzana noKosazana Malatji.
6
BakwaMalatji nabezwa ngeenghonghoyilo, basilingeka komhlolo.
-
Bapaka amaratjhana wabo aseleko baphuma baphela edorojaneni lelo.
7
Ngaso sona isikhathi leso, kwabe kunemililo ekhamba itjhisa amahlathi eyarhatjhekela edorojaneni leli.
-
Umlilo watjhisa izindlu, watjhiya amalunga womphakathi anganazindlu.
8
Izakhamuzi zakhamba godu zayokubona ikosi.
-
“Asinakudla, asinamanzi, asinayo nendawo yokuhlala, kunghonghoyila abantu.
-
“Kunemililo ngaso soke isikhathi abantu bakwaMalatji nabaphikisanako!” kulila izakhamuzi.
9
Njenganje ikosi uSello Kekana yalalela iinghonghoyilo zabantu.
-
Waqotha uNomzana noKosikazi Malatji edorobheni leGa-Molapo. Wabaqotha ngitjho nesifundeni seLimpopo.
-
Angazi bona bakwaMalatji bekosi batjhingaphi godu?
10
Attribution CC BY
Your attribution should include the following:
Title: UNomzana noKosikazi Malatji
Author/s: Kanane Dina Nkoana
Translator/s: Sponono Mahlangu
Illustrator/s: Jesse Breytenbach
Assurer/s: William Jiyana
Language: isiNdebele

© Zenex Foundation - Saide 2024

CC BY includes the following elements:
 BY   – Credit must be given to the creator