Khale ka khaleni, N’wanyoka a ri na vunghana byo saseka na N’wachela.A va ri vanghana va kahle naswona a va rhandzana.

Siku rin’wana N’wachela a ku eka N’wanyoka, “Munghana, swi nga va njhani loko hi ya khomela vusokoti byo nona byo haha?”N’wanyoka a pfumelelana na N’wachela.

Vanghana va hlengeletile vusokoti byo haha endzeni ka saka lerikulu.N’wachela a a khomele byo tala naswona a tsakile.

Endleleni yo vuya ekaya, N’wachela na N’wanyoka va hlangana na ntlawa wa Van’wamaxinjana.Van’wamaxinjana a va ri valala va vona.

N’wanyoka a rila, “Munghana, hi le ku hlaseriweni! Loko ho lahlekeriwa hileswi hi nga na swona laha sakeni, hi ta pfumala swakudya madyambu ya namuntlha!”

N’wachela a holovela Van’wamaxinjana, “Sukani endleleni, van’wana va n’wina mi ta vavisiwa!”Van’wamaxinjana va vona leswaku swo antswa i ku va dya varivona!

N’wachela u rhambile N’wanyoka ku ya swakudya swa ni madyambu.“Nsati wa mina u rhandza vusokoti byo nandziha byo haha,” ku vula N’wachela hi ku tinyungubyisa.Vanghana va yile emahlweni va vulavula loko Mnn N’wachela a ri karhi a lulamisa swakudya swa ni madyambu.

Swakudya swa ni madyambu a swi lulamile nkarhi wu nga si ya kule.Vanghana va hlamba, va ya tshama etafuleni.

Hi xinkadyana, N’wachela a kombetela ndyelo a ku, “Ndyelo ya N’wanyoka yi tele ku tlula ya mina!”

N’wanyoka a hlamula, “E-e, i ya wena ndyelo yi nga tala ku tlula ya mina!”N’wachela a dya, kambe N’wanyoka yena a khunguvanyekile a nga dyi.

Ekuheteleleni, N’wachela a ku eka N’wanyoka, “Loko u lava ku rhukana maswekelo ya nsati wa mina, huma u famba.”

Sweswo ku ve ku hela ka vunghana bya vona byo saseka!Ku sukela siku rero, Van’wachela na Van’wanyoka a va ha vanga vanghana.