Go kile ga bo go na le noga e e neng e tsalana le segwagwa.E ne e le ditsala tse dikgolo, di ratana thata.

Ka letsatsi lengwe Segwagwa se ne sa raya Noga, “Tsala, a reye go batla dintlhwamafura tse di monate.”Noga e ne ya dumela go tsamaya le Segwagwa.

Ditsala di ne tsa kokoanya dintlhwamafura mo kgetseng e kgolo.Segwagwa sa kokoanya tse dintsi mme sa itumela.

Mo tseleng fa di boela gae, Segwagwa le Noga di ne tsa kopana le segopa sa bokotokwe.Bokotokwe e ne e le dira tsa tsona.

Noga ya lela, “Tsala re a tlhaselwa! Fa re ka latlhegelwa ke se se mo kgetseng, re tlile go tlhoka se re ka se jang bosigo jo!”

Segwagwa sa goeletsa bokotokwe, “Tswang mo tseleng, e seng jalo mongwe wa lona o tlile go gobala.”Bokotokwe ba bona go le botoka go tshaba!

Segwagwa sa laletsa Noga kwa dijong tsa maitseboa.“Mogatsake o apeile dintlhwamafura tse di monate,” Segwagwa sa bua ka boipelo.Ditsala di ne tsa tswelela go tlotla fa Mohumagadi Segwagwa a tsweletse go apaya dijo tsa maitseboa.

Dijo di ne tsa siama ka bonakonyana.Ditsala di ne tsa tlhapa, mme tsa ya go nna fa tafoleng.

Moragonyana, Segwagwa sa supa mo sejaneng sa gagwe ka gore, “Dijo tse di tsholetsweng Noga di feta tsa me!”

Noga ya araba, “Nnyaa, tsa gago ke tsona tse di fetang tsa me!”Segwagwa sa ja dilalelo, fela Noga o ne a kgopisegile mme a gana go ja.

Moragonyana Segwagwa sa re go Noga, “Fa e le gore o tlile go nyatsa kapeo ya mogatsake, o tshwanetse go re tswela ka ntlo.”

E ne ya nna bokhutlo jwa botsalano jo bontle!Go tloga foo, Segwagwa le Noga tsa se tlhole di nna ditsala gape.