Ikhomphyutha ehlakaniphileko kaTshilidzi Marwala
Ndivhuho Mutsila
Thulisile Shongwe
isiNdebele
Longer paragraphs

——


Indatjana esencwadini le ikhuluma ngoTshilidzi Marwala.
-
UnguSosayensi weKhomphyutha begodu noSonjiniyera weMekhenikhali eSewula Afrika.
-
Indatjana le ikhuluma ngendlela uTshilidzi ozibuyela eDuthuni aba ngusolwazi ngakhona weentjhabatjhaba kuSayensi neThekhnoloji.
1
UTshilidzi Marwala wabelethelwa endaweni yemakhaya esigodini seDuthuni eLimpopo. Wakhuliswa babelethi bakhe nogogo wakhe uTshianeo.
-
AboTshianeo bebenza iimpoto ezihle ngebumba. Ukutlanywa kwepoto yakhe yesikhethu bekulandela umhlobo wobunjiniyera.
2
Ubunjiniyera yisayensi yokutlama nokwenza izinto, ezifana nemitjhini kanye nemakhiwo.
-
AboTshianeo bebabazi ubunjiniyera bokubumba iimpoto zesikhethu.
-
UTshilidzi bekathanda ukubukela unina nakenza iimpoto, begodu amsize.
3
Wathoma ngokwenza isiyingilizi esisipara asenzela isisekelo sepoto.
-
Ngemuva kwalokho, wakha amahlangothi ayindulungu wepoto ngebumba elinengi.
-
Ugogo womisa iimpoto zakhe elangeni wazithatha wazibeka emlilweni.
4
Umlilo wawutjhisa ngokwaneleko ukobana ubhage ibumba.
-
Ukubhaga ibumba emlilweni otjhisa khulu komisa amanzi woke ebumbeni. Lokho kwenza ibumba liqine lithi ngho.
-
Iimpoto zakagogo zabe zinamandla begodu zabe zihlala isikhathi eside.
5
Ithando likaTshilidzi leSayensi nobuNjiniyera nalo labe libuya kuyise.
-
UNom. Marwala wabe angutitjhere weeMbalo esikolweni seDuthuni.
-
Ngaphambi kobana afunde ngeembalo zokubuyelela esikolweni, uTshilidzi wafunda ngokubuyelela iinomboro ngokobana afunde iincwadi zakayise.
6
UTshilidzi wabe amumuntu onetjisakalo yokwazi izinto ngaso soke isikhathi. Ebusuku wabe athatha itotjhi kayise akhanyise phezulu ngayo ukobana abone lapha kuphelela khona umkayi!
-
Ngemuva kokuqeda isikolo samabanga aphasi, uTshilidzi wakhamba esigodini sekhabo wayokuhlala ehostela yeDimani esikolweni samabanga aphezulu edorobheni leShayandima.
7
Ihostela yabe ikarisa ngombana wahlangana nabantu abatjha. Wafunda ukuphilisana nabanye abantu abahlukeneko.
-
UTshilidzi wakhamba wayokufunda esikolweni samabanga aphezulu iMbilwi.
-
UTshilidzi wathanda abotitjhere bakhe abafundisa iiMbalo neSayensi. Bamkhuthaza ukobana afunde begodu asebenze ngamandla.
8
Emnyakeni wakhe wokugcina, uTshilidzi wathumba iphaliswano le-‘National Youth Science Olympiad’.
-
Wathumba ikhambo lokuya ku’Foramu yeenTjhabatjhaba yeSayensi yeTja yeLondon’ e-England.
-
UTshilidzi wafundela ubuNjiniyera beMekhenikhali eYunivesithi yePitori.
-
Wakhamba wayokufunda godu eYunivesithi yeCambridge.
9
UTshilidzi wabe anekareko lokuthi ithekhnoloji ingatjhugulula njani amaphilo wethu. Wafunda iSayensi yeKhomphyutha e-England.
-
Okulandelako, wakhamba wayokufundela iThekhnoloji nobuNjiniyera e-Amerika.
-
Ngemva kweminyaka afunda, uTshilidzi wathatha isiqunto sokobana alethe ilwazi lakhe ekhaya, eSewula Afrika.
10
Wathoma umsebenzi njengomthuthukisi wamahlelo wekhomphyutha, asebenza ngobuhlakani obungasibo bemvelo.
-
Ubuhlakani obungasibo bemvelo kulokha imitjhini nayenza imisebenzi leyo esikhathini esinengi efuna ukuhlakanipha kwabantu.
-
UTshilidzi wathuthukisa ihlelo lekhomphyutha ukuze amakhomphyutha akghone ukunambitha nokunukelela!
11
Namhlanjesi, uTshilidzi ungusolwazi weentjhabatjhaba kubuNjiniyera beMekhenikhali nakuSayensi yeKhomphyutha.
-
UPhrofesa Marwala njenganje sekasebenza ngeendlela zokwenza amakhomphyutha enzele abantu izinto ezinengi.
-
Ukwenza nje isibonelo, ubuhlakani obungasibo bemvelo bungasiza abantu emabhanga, eembhedlela kanye neenkolweni.
12
Umsebenzi kaTshilidzi unqophe ekutheni iThekhnoloji ingasiza njani ukwakha imisebenzi begodu nokusisiza ukobana siphile ipilo engcono.
-
Wanikela elwazini elimayelana neSayensi neThekhnoloji.
-
Ipilo yakhe itjengisa ukuqakatheka kwefundo nokusebenza ngamandla. Nobungakho negugu lokulangazelela ukwazi!
13

——Imibuzo


  1. Bobani abantu abakhuthaza uTshilidzi ukobana abe ngusosayensi? Kubayini utjho njalo?
  2. Wafunda ini uTshilidzi lokha nakasehostela afunda?
  3. Iyini ‘iSayensi yeKhomphyutha? Tholisisa ngesifundo lesi.
  4. Benza ini abosonjiniyera beMekhenikhali? Tholisisa ngemisebenzi yabo.
14

——Iincwadi eziselungelungeni leli


  • U-Andile Mji
  • U-Asnath Mahapa
  • UBongani Mayosi
  • UCharlotte Maxeke
  • UMmantsane Moche Diale
  • UMulalo Doyoyo
  • UTebello Nyokong
  • UTshilidzi Marwala
15

——


Indatjana le yatlhanywa begodu yatlolwa ngelimi leTshivenḓa, njengengcenye yephrojekthi yeZenex Ulwazi Lwethu yeencwadi ezingafundwa ngo-2020.
16
Attribution CC BY
Your attribution should include the following:
Title: Ikhomphyutha ehlakaniphileko kaTshilidzi Marwala
Author/s: Ndivhuho Mutsila
Translator/s: Sponono Mahlangu
Illustrator/s: Thulisile Shongwe
Assurer/s: William Jiyana
Language: isiNdebele

© Zenex Foundation - Saide 2024

CC BY includes the following elements:
 BY   – Credit must be given to the creator